Sorensen: Me Kurtin diskutuam për hapat e mëtejshëm në dialog dhe aspektet e procesit të normalizimit

I dërguari i posaçëm i Bashkimit Evropian për dialogun mes Beogradit dhe Prishtinës, Peter Sorensen, zhvilloi një takim me kryeministrin e Kosovës, Albin Kurti, në Paris, ku po mbahet Forumi i Paqes.

“Shkëmbim i mirë mendimesh me kryeministrin Kurti sot në Paris”, shkroi Sorensen në rrjetin social “X”.

Ai bëri të ditur se kishin diskutuar për hapat e ardhshëm në dialog.

“Me institucionet që tani janë në Prishtinë, diskutuam për rrugën e mëtejshme në dialogun mes Beogradit dhe Prishtinës dhe për aspekte të ndryshme të procesit të normalizimit, të cilat janë të rëndësishme për njerëzit në terren dhe për rajonin”, shtoi Sorensen.