Stano: Vendimi për hapjen e urës në Ibër duhet të merret në kuadër të dialogut ndërmjet Serbisë dhe Kosovës

Zëdhënësi i BE-së Peter Stano tha se rihapja e urës në Ibër është çështje e dialogut ndërmjet Serbisë dhe Kosovës dhe se çdo vendim për hapjen e saj duhet të merret në kuadër të dialogut.

"Bisedimet janë duke u zhvilluar dhe BE-ja është duke bashkëpunuar ngushtë me partnerët e saj ndërkombëtarë në Kosovë. BE u bën thirrje të gjitha palëve të interesuara që të përmbahen nga çdo veprim i pakoordinuar dhe i njëanshëm", tha Stano.

Siç shton ai, të gjitha marrëveshjet nga dialogu, përfshirë edhe ato për urën në Ibër, duhet të zbatohen plotësisht.

Stano po ashtu ka deklaruar se teknikisht ka përfunduar puna për rivitalizimin e urës në Mitrovicë, por edhe rrethinë.