Surlliq: BKS, çështja pa të cilën nuk mund të vazhdojë dialogu ndërmjet Beogradit dhe Prishtinës

Bashkësia e Komunave Serbe (BKS) është një çështje pa të cilën nuk mund të vazhdojë dialogu ndërmjet Beogradit dhe Prishtinës, por fatkeqësisht “shitet si produkt”, me qëllim që të qetësohet Beogradi nga njëra anë, ndërsa nga ana tjetër nuk ka asnjë substancë, tha sot Stefan Surlliq, docent në Fakultetin e Shkencave Politike në Beograd, transmeton RTV.

Në një bisedë me Tanjug, Surlliq vlerësoi se zyrtarët evropianë në BKS-në nuk shohin një mundësi reale që komuniteti serb të realizohet në Kosovë dhe të ketë autonominë e tij, por e shohin atë vetëm si një temë që do ta bindë Beogradin të pranojë "kompromise të dhimbshme" që do të pasojnë pas formimit eventual të BKS-së.

“Shpresoj se takimi i 2. majit do ta obligojë vërtetë Prishtinën, madje me njëfarë mundësie për sanksione ndaj autoriteteve në Prishtinë, që të arrijë ndonjë hap konkret drejt formimit të BKS-së. Dhe vetëm nëse kemi disa rezultate sa i përket BKS-së, atëherë mund të jetë një prelud për riorganizimin e zgjedhjeve në veri të Kosovës, shpresoj këtë vit ose në fillim të vitit të ardhshëm, por kjo situatë politike në veri të Kosovës nuk është e qëndrueshme”, tha Surlliq.

Ai deklaroi se me ngjarjet në terren përsëritet një praktikë shumë të keqe se, siç vlerësoi ai, në Bruksel arrihen marrëveshje, pa pasur absolutisht asnjë ndikim në ndryshimin e situatës në terren “gjoja” për të zgjidhur diçka që të mos zgjidhet kurrë.

“Ne mund të shpresojmë vetëm për një skenar më pozitiv, sepse cila është alternativa – një konflikt i hapur, etnik, në Kosovë, dhe pastaj, natyrisht, një mundësi për autoritetet në Prishtinë që të thonë se Serbia është “Rusia e vogël”, e cila, epo, “gjithmonë synon të fillojë një luftë dhe një konflikt të ri serbo-shqiptar”, thotë Surlliq.

Ai shtoi se Prishtina vazhdimisht po prezanton teza në publik se ajo që është shkruar në Marrëveshjen e Brukselit nuk do të realizohet dhe se Bashkësia do të jetë vetëm një “aleancë e lirshme” dhe bashkëpunim në nivel komunal, në kuadër të kompetencave që tashmë ekzistojnë.

“Gjëja e fundit që ka ndodhur me Këshillin e Evropës është duke shkuar në atë drejtim, dhe jozyrtarisht kemi dëgjuar nga përfaqësuesit evropianë dhe amerikanë se kjo rrugë e Kosovës drejt anëtarësimit në Evropë do ta inkurajojë Prishtinën që më në fund të formojë BKS-në që ishte premtuar dhe nënshkruar para 10 vjetësh. Zgjedhjet e fundit lokale ishin absolutisht një veprim i gabuar i aktorëve ndërkombëtarë, sepse ata i dhanë dritën jeshile autoriteteve në Prishtinë që t'i mbahen, pa u plotësuar kushtet për to”, tha Surlliq.

Surlliq shprehu qëndrimin se serbët nuk mund të kthehen në institucione dhe se gjithçka "të funksionojë normalisht", kur nuk ka indikacione për formimin e BKS-së.

“Duke u marrë me këtë temë, do të kuptoja se të paktën një lëvizje simbolike është bërë nga autoritetet në Prishtinë, se janë takuar me përfaqësuesit e serbëve, kanë biseduar dhe kanë treguar vullnet të mirë për të arritur, me hapa konkretë, ndonjë bashkësinë komunash që do të jetë në përputhje me atë që kërkon komuniteti serb që jeton në Kosovë. Mirëpo, kjo nuk ndodhi dhe sigurisht që nuk ka pasur arsye që serbët të kthehen në institucione, sepse nuk shohin ndonjë ndryshim në sjelljen e autoriteteve në Prishtinë”, tha Surlliq.

Ai ka thënë se vazhdimi i “politikës agresive” paralajmëron diçka që është aluduar prej vitesh, pra, siç tha ai, të shfrytëzohet rasti dhe të bashkohen Mitrovica e Veriut dhe e Jugut.

“Në përkthim, kjo do të thotë një inxhinieri etnike, pasi që Mitrovica jugore është dukshëm më e madhe, se Mitrovica veriore me shumicë serbe, bie plotësisht nën kontrollin e shumicës shqiptare, gjoja me tregimin se bëhet fjalë për bashkimin e një qytet i vetëm, pjesët e tij veriore dhe jugore”, përfundoi Surlliq.