Surlliq: Largimi i Lajçakut para përfundimit të mandatit të tij do të ngadalësonte edhe më shumë procesin e dialogut

Stefan Surlliq, docenti në Fakultetin e Shkencave Politike në Beograd, vlerësoi për Kosovo online se largimi i mundshëm i Miroslav Lajçakut nga pozita e ndërmjetësuesit për dialogun ndërmjet Beogradit dhe Prishtinës para përfundimit të mandatit të tij dhe para zgjedhjeve evropiane, do të ngadalësojnë më tej procesin e negociatave.

Pas fitores së partisë “Smer” (Drejtimi) në zgjedhjet në Sllovaki, disa media spekuluan se Lajçak mund të kthehet në pozitën e ministrit të Punëve të Jashtme të atij vendi dhe të largohet nga pozita e negociatorit në dialogun Beograd-Prishtinë. Sipas vendimit të BE-së nga viti 2022, mandati i Lajçakut si ndërmjetës në këtë proces është i kufizuar deri më 31 gusht 2024.

“Largimi i Lajçakut do të thoshte se ne nuk kemi një institucion që është ndërmjetësi kryesor ndërmjet Beogradit dhe Prishtinës. Kur kësaj i shtojmë ngjarjet e fundit në Kosovë dhe Banjska, sigurisht që është shumë e rëndësishme, mbi të gjitha për liderët evropianë, të ketë një person përgjegjës për dialogun.Me largimin e Lajçakut, dialogu thelbësor fundoset dhe ngadalësohet”, thotë Surlliq.

Ai shton se dialogu nuk ka funksionuar, siç thotë, as formalisht, siç e kanë treguar edhe takimet e liderëve në nivelin më të lartë në Bruksel.

“Ne kemi qenë dëshmitarë të një bllokimi të plotë të procesit, por pa një ndërmjetës zyrtar, situata do të ishte edhe më e komplikuar”, tha Surlliq.

Duke iu referuar tregimeve se kujt i shkonte më mirë Lajçakut si ndërmjetës, Beogradit apo Prishtinës, Surliq thotë se ai është një diplomat karriere.

“Megjithatë, ai është një diplomat karriere. Ne i kujtojmë deklaratat e tij, ai ishte shumë i ndjeshëm edhe kur ishte në Beograd edhe kur ishte në Prishtinë, ai u përpoq t'i afronte pikëpamjet e tij me dy palët shumë të kundërta në kuptimin politik, por fakti është se Prishtina vazhdimisht, që nga fillimi i procesit, ka thënë se Lajçak është në anën e Beogradit, se është i njëanshëm dhe se po pengon arritjen e një marrëveshjeje”, kujton Surlliq.

Ai shton se në anën tjetër Beogradi kishte besim te Lajçaku.

"Kishte një lloj marrëveshjeje themelore dhe besim të ndërsjellë. Lajçak u përpoq kaq shumë të ishte neutral ndaj statusit, dhe se do të ketë njëfarë progresi në dialog”, thotë Surlliq.