Surlliq: Pirs do të vijojë politikën stabile të presionit të Britanisë ndaj Beogradit dhe mbështetje për Prishtinën

Docenti i Fakultetit të Shkencave Politike në Beograd Stefan Surlliq ka thënë se me zgjedhjen e të dërguarës së re speciale për Balkanin Perëndimor Karen Pirs, Britania e Madhe do të vijojë me politikën stabile ndaj rajonit çka do të nënkuptojë vijimin e presionit ndaj Beogradit dhe mbështetje Prishtinës të realizojë anëtarësimin e plotë në shumicën e organizmave ndërkombëtare përfshirë dhe Kombet e Bashkuara.

“Mendoj se ajo do të vazhdojë një politikë mjaft stabile dhe kontinuitive të Britanisë së Madhe ndaj këtij rajoni. Është e qartë se Britania e Madhe është një prej konspiracionistet më të mëdha të Kosovës në organizmat ndërkombëtare” ka thënë Surlliq për Kosovo Onlajn.

Pritet që Pirs të vijojë me përpjekje personale që Kosovën t’a shikojë në të gjitha organizmat ndërkombëtare e mbi të gjitha si anëtare me të drejta të plota e Kombeve të Bashkuara.

“Ajo personalisht do të përpiqet për anëtarësimin e Kosovës në Kombet e Bashkuara. Në gjurmët e deritashme të politikës britanike, por dhe biografinë e vet personale politike, mund të konkludojmë se Britania do të vazhdojë mbi të gjitha politikën e presionit ndaj Beogradit dhe politikën e mbështetjes absolute për Prishtinën për të arritur anëtarësimin e plotë në të gjitha organizmat ndërkombëtare” ka theksuar Surlliq.