Tabelat e institucioneve të Kosovës vendosen në ndërtesat e institucioneve serbe në Mitrovicën e Veriut

Tri tabela letre të improvizuara me emrat e institucioneve të Kosovës u vendosën në ndërtesën në Mitrovicën së Veriut, ku ishte vendosur selia e Qarkut të Mitrovicës së Kosovës, fondi i SPI për KdheM dhe Zyra për KdheM.

Në ndërtesën ku ishin të vendosur institucionet serbe deri të premten tani do të strehojë Ministrinë e Punëve të Brendshme të Kosovës, Ministrinë e Administrimit të Vetëqeverisjes Lokale dhe Ministrinë e Financave, Punës dhe Transfereve.

Tabela me emrat e institucioneve të Kosovës është vendosur mëngjesin e sotëm edhe në objektin e Autoritetit të Përkohshëm të Mitrovicës së Kosovës në Mitrovicën e Veriut.

Derisa ishin vendosur tabelat e improvizuara para objektit, aty ishte një xhip policor dhe disa policë, ndërsa Policia e Kosovës ishte e vendosur në të gjitha udhëkryqet që të çojnë në këtë objekt.

Edhe në objektin në Leposaviq, ku deri të premten Autoriteti i Përkohshëm i Komunës së Leposaviqit, Instituti i Kulturës Serbe, Shkolla e Komunikacionit dhe ku janë të vendosura zyrat e organizatave të shumta, sot janë vendosur përkohësisht dy copa letre, në të cilat ishin shkruar Ministria për Komunitete dhe Kthim dhe Ministria e Bujqësisë, Pylltarisë dhe Zhvillimit Rural.