Terras fshiu postimin në të cilin kishte konstatuar se „Kuvendi i Kosovës zgjodhi udhëheqjen“

Raportuesi i Parlamentit Evropian për Kosovën, Riho Terras, e tërhoqi postimin në rrjetin social „X“ për takimin me shefin e UNMIK-ut, Peter Due, në të cilin kishte konstatuar se „Kuvendi i Kosovës zgjodhi udhëheqjen“.

„Pas një bllokade të gjatë politike, Kuvendi zgjodhi udhëheqjen e tij. Sfida e radhës e madhe është zgjedhja e presidentit. Stabiliteti i Kosovës dhe dialogu ndërmjet komuniteteve janë me rëndësi kyçe për rrugën e saj evropiane“, kishte shkruar Terras.

Megjithatë, Kuvendi i Kosovës nuk e zgjodhi udhëheqjen, por vetëm kryetaren – Albulena Haxhiun, dhe jo edhe pesë nënkryetarët. Haxhiu e ndërpreu seancën për shkak të propozimit të Listës Serbe dhe deklaratës së shefit të Grupit Parlamentar të kësaj partie, Igor Simiq, se „në emër të popullit serb propozon Slavko Simiqin për nënkryetar“.

Këtë ia vuri në dukje Terrasit në një koment në rrjetin social „X“ edhe Lista Serbe:

„I nderuar zoti Terras, është absolutisht e pasaktë të pretendohet se Kuvendi i Kosovës ka zgjedhur udhëheqjen e tij. Puna e Kuvendit është bllokuar nga partia në pushtet, e cila ka ndalur zgjedhjen e pesë nënkryetarëve. Prandaj, udhëheqja e Kuvendit mbetet e pakompletuar“.

Pak kohë më pas, postimi fillestar i Terrasit u fshi nga ky rrjet social.