Vuçeviq: Një shkallë jashtëzakonisht e lartë zilie dhe urrejtjeje dominon në politikën e Kurtit

Kryeministri i Serbisë dhe presidenti i PPS Millosh Vuçeviq tha sot, pas kërcënimeve të ministrit të Policisë së Kosovës, Xhelal Sveçla, se do ta arrestojë Aleksandër Vuçiqin nëse vjen në Kosovë, se askush në Prishtinë nuk ka as një të miliontën e kapacitetit politik, fuqisë intelektuale dhe forca morale e Presidentit të Serbisë.

“Fakti që një zyrtar i vetëshpallur i një shteti të rremë po komenton Presidentin e Serbisë, Aleksandar Vuçiq, është vetëm një tregues tjetër i nivelit jashtëzakonisht të lartë të zilisë dhe urrejtjes që dominon në politikën e Kurtit”, ka shkruar Vuçeviq në rrjetin social “X” dhe shtoi:

Zilia sepse në Prishtinë nuk e kanë dhe as do ta kenë kurrë, as një të miliontën e kapacitetit politik, forcës intelektuale dhe forcës morale të Aleksandër Vuçiqit. Urrejtja, sepse ata nuk munden, me gjithë mbështetjen e njerëzve me mendje të njëjtë në opozitën serbe, të zvogëlojnë mbështetjen historike të lartë që gëzon presidenti serb Aleksandar Vuçiq në mesin e popullit serb”.

Në komunat në veri të Kosovës mëngjesin e sotëm janë shfaqur postera me imazhin e Aleksandër Vuçiqit dhe mesazhin “Komandant Suprem, të presim”.

Policia e Kosovës është në kërkim të personave që e kanë bërë këtë, ndërsa prokuroria ka hapur edhe rast për “përhapje të urrejtjes”, tha më herët sot zëvendëskomandanti i Policisë së Kosovës për rajonin e Veriut, Veton Elshani.