Zariq: Shpresoj se raporti i Dik Martit do të kontribuojë në dëshminë e të vërtetës, pavarësisht vdekjes së tij

Gazetarja sërbe dhe autorja e filmit dokumentar “Shtëpia e verdhë” Sllagjana Zariq ka thënë se është jashtëzakonisht e keqardhur për vdekjen e ish raportuesit të Këshillit të Europës Dik Marti, i cili hetoi krimet e UÇK dhe trafikun e organeve njerëzore dhe shprehu shpresën se vdekja e tij nuk do të thotë fund por dëshminë që mbeti për të kontribuar në vërtetimin e dëshmive për krimet e luftës në Hagë.

Zariq vlerësoi se raporti i Dik Martit i cili u miratua në APKE mbi bazën e të cilit ajo vetë realizoi filmin për trafikun e organeve njerëzore në “Shtëpinë e Verdhë”, të realizuar në mënyrë jashtëzakonisht profesionale dhe objektive.

“Më erdhi shumë keq kur dëgjova për vdekjen e Dik Martit. Mendoj se ai kishte synime jashtëzakonisht të sinqerta dhe shumë profesionale që pas kaq shumë vitesh të rrëfente atë të vetmen histori që me të vërtetë ka qenë tragjike. Kështu që mendoj se kjo është humbje e madhe si për të vërtetën ashtu edhe për drejtësinë, por sinqerisht shpresoj se nuk do të ketë pasoja të mëtejshme për vazhdimin dhe zbulimin e kësaj historie për trafikun e organeve. Ajo që u dëshmua në raportin e Umnik ku pas dhjetë vitesh pasi u formulua u gjend në media dhe ajo çfarë dëshmoi raporti i Dik Martit, është me të vërtetë se disa njerëz dhe sërbë patën këtë fat tragjik dhe përfunduan si viktima të trafikimit të organeve”, tha Zariq për Kosovo Onlajn.

Thekson se historia e trafikut të organeve njerëzore në “Shtëpinë e Verdhë”, në Sërbi është paraqitur në mënyrë të gabuar dhe deri diku tabloidike dhe se Dik Marti në raportin e vet, flet për gati dhjetë personash që kanë qenë viktima.

“Duhet t’a pranoj se kjo historia e trafikut të organeve njerëzore shpesh në Sërbi mund të jetë publikuar në mënyrë të gabuar, kështu që kemi pasur disa tituj tabloidësh në kuptimin e heqjes së zemrës kur njeriu ishte gjallë, por mendoj se Dik Marti në një raport serioz dhe jashtëzakonisht profesional paraqiti se bëhej fjalë për dhjetëra persona që patën fatin tragjik për të përfunduar si viktima të trafikut të organeve, por nuk duhet të harrojmë se para të drejtës ndërkombëtare dhe një njeri të vdesë në atë mënyrë është një krim i papranueshëm çfarëdolloj kohe e veçanërisht jo në shekullin XXI në Europë”, tha ajo.

Zariq thekson se ndonëse liderët e UÇK ende nuk akuzohen për trafik organesh, nuk duhet thënë se raporti i Dik Martit nuk ka kontribuar në ndonjë të vërtetë.

Ajo thekson se raporti i tij nuk flet vetëm për trafikimin e organeve, por edhe për shqiptarët që u vranë në kampe nga ana e UÇK, për viktimat gjatë vitit 1998, trupat e të cilëve më vonë u gjetën në varreza masive dhe që u rrëmbyen në Retinje dhe Opterushë.

"Sinqerisht shpresoj se vdekja e Dik Martit nuk do të jetë fundi, pasi i tërë ekipi i njerëzve punuan për atë raport. Për sa kohë që merresha me historinë time dhe hulumtoja Shtëpinë e Verdhë, ai ekip bëri rreth 800 intervista dhe të gjithë ata njerëz u dëgjuan. Dëshiroj të besoj se kjo histori një ditë do të gjejë drejtësinë e vet. Kjo është shumë e vështirë sepse ne vetë e dimë se në shumë raste kur janë gjykuar në Hagë liderët e UÇK, dëshmitarët janë zhdukur dhe janë vrarë. Gjithashtu kjo është histori që është shumë e vështirë të vërtetohet. Ju sot edhe nëse gjeni kufomë në bazë të mbetjeve, nuk mund të konfirmoni se ka pasur trafik organesh. Dëshiroj të besoj se e vërteta një ditë do të dalë. Gjithçka që bëra kishte për qëllim jo vetëm të tregoja të vërtetën, por edhe të ktheja kujtimin e të gjithë atyre të zhdukurve që mendoj se ne, veçanërisht këtu në Beograd, i kemi harruar” tha Zariq.

Raporti i Dik Marit siç ajo vlerëson, sigurisht do të mbetet dëshmi e zhvillimeve në Kosovë. Sipas fjalëve të saj, raporti është “bërë shumë seriozisht, shumë objektiv dhe shumë i sinqertë” dhe e gjithë historia nuk shfajëson krimet e kryera nga pala tjetër.

Ajo beson se opinioni publik shqiptar duhet të pajtohet dhe të pranojë faktin se ndaj sërbëve janë kryer krime serioze.

“Unë nuk them se ne këtu këtë fakt e pranuam, por kur e shikoni këtu në Sërbi janë bërë gjyqe të shumta dhe shumë kanë përfunduar në burg. Mendoj se ky proces i cili fatkeqësisht popullsia shqiptare në Kosovë nuk ka filluar dhe që një ditë, nëse duan të përballen me të kaluarën dhe të jetojnë në të ardhmen, do të duhet t’a bëjnë”, tha Zariq.

Ajo shprehu bindjen se e vërteta, pavarësisht nga të gjitha vështirësitë dhe vdekja e krijuesit të raportit për trafikimin e organeve dhe krimet ndaj njerëzve, do të gjejë rrugën të dalë në dritë ndërsa shqiptarët "të paktën do t'i gëzohen vdekjes. e Dik Martit”.

“Mund të tingëllojë e ashpër, nuk e di nëse shqiptarët do të abuzojnë me vdekjen e Dik Martit, por do të gëzohen, jam i sigurt për këtë. Kurrë gjëra kaq të mëdha dhe krime nuk qëndrojnë tek një njeri, por pyetja kyçe është nëse do të jetë e mundur ndonjëherë të provohet në gjykatë. Kjo është krejtësisht tjetër gjë nga kjo nëse ka ndodhur” ka përmbyllur Zariq.