Barbano vizitoi Manastirin e Deçanit, me igumenin për mbrojtjen e shenjtërive të KOS-it

Shefi i Misionit të EULEX-it, Gjovani Pjetro Barbano, vizitoi Manastirin e Deçanit, ku me igumenin Sava Janjiq bisedoi për sfidat me të cilat përballet Kisha Ortodokse Serbe dhe për mbrojtjen e shenjtërive.

“Në një diskutim konstruktiv dhe të hapur, Barbano dhe igumeni, atë Sava, shkëmbyen mendime mbi sfidat aktuale me të cilat përballet Kisha Ortodokse Serbe në Kosovë, përfshirë çështjet e mbrojtjes juridike, ruajtjes së trashëgimisë dhe nevojës për sundim të qëndrueshëm të ligjit”, thuhet në njoftimin e Manastirit të Deçanit në rrjetin social “X”.

Shtohet se një dialog i tillë është i domosdoshëm për mbrojtjen e të drejtave fetare dhe për kultivimin e mirëkuptimit të ndërsjellë.

Barbano shkroi sot në rrjetin social “X” se biseda u përqendrua në të drejtat e njeriut, trashëgiminë kulturore dhe rolin e Këshillit për Implementim dhe Monitorim (MSP).

“Ishte një bisedë shumë produktive, me disa reflektime të thelluara mbi temat shpirtërore dhe nevojat për të drejtat e njeriut/trashëgiminë kulturore, si dhe mbi rolin e rëndësishëm të Këshillit për Implementim dhe Monitorim (MSP) në kuadër të kornizës ligjore të Kosovës”, theksoi Barbano.

Shefi i EULEX-it e vizitoi Manastirin e Deçanit të shtunën.