Idit Ohel: E di që qeveria serbe dhe presidenti Vuçiq po bëjnë gjithçka për ti kthyer të rrëmbyerit

Idit Ohel, nëna e Alon Ohelit, një të riu të rrëmbyer në sulmin terrorist të Hamasit në Izrael, ka shpresa të mëdha në përpjekjet e qeverisë izraelite dhe serbe për të kthyer djalin e saj, si dhe të gjithë njerëzit e tjerë të rrëmbyer, në shtëpitë e tyre.

Idit Ohel tha për CNN se Alon është një shtetase izraelito-serbe dhe se ajo e di që qeveria serbe, veçanërisht presidenti serb Aleksandar Vuçiq, po bën gjithçka që është në fuqinë e tyre për të kthyer djalin e saj, i cili u rrëmbye më shumë se dy javë më parë.

Ajo thotë se nuk e di se ku është Alon.

"Unë e di vetëm se ku ka shkuar kur ka dalë nga shtëpia, ku ka qenë kur e kanë rrëmbyer dhe se ka qenë gjallë kur e kanë rrëmbyer. Dhe kaq di", iu përgjigj ajo pyetjes se çfarë informacioni ka aktualisht për fatin e djalit të saj.

Ajo përsëriti se Aloni ishte në festivalin muzikor të paqes, kur në orën gjashtë të mëngjesit u dëgjuan shpërthime, prandaj ai dhe miqtë e tij vendosën të shkonin në strehë.

"Ata menduan se ishte një bombë. Ata nuk dinin për terroristët. Terroristët erdhën shpejt në strehimore ku hodhën granata. Djali im, i cili ishte në strehë me 27 persona, tentoi t'i hidhte ato granata. Një granatë shpërtheu dhe terroristët hynë brenda. Ata nxorën zvarrë tre persona dhe djali im ishte në mesin e tyre, ishte e vështirë t'i shikoja ato skena, ata e tërhoqën zvarrë dhe ai u përpoq të rezistonte në fillim. Kur pa që nuk po i ndihmonte, ndaloi. E futën në një kamion dhe e çuan në drejtim të panjohur”, shpjegoi ajo.  

Ajo shtoi se nga 27 personat në strehimore, shtatë prej tyre që u plagosën i mbijetuan sulmit, tre u rrëmbyen dhe të tjerët u vranë.

"Alon është atje për 15 ditë. Më duhet të them se ai është një shtetas izraelito-serb. Unë e di që qeveria serbe, veçanërisht presidenti Vuçiq, po bën gjithçka që është e mundur për ta sjellë Alon në shtëpi. Alon është një qytetar i pafajshëm, i cili ishte në kohën e gabuar në vendin e gabuar”, theksoi Idit.

Ajo nuk e di se çfarë do të ndodhë, por është e bindur se qeveria izraelite së bashku me atë serbe do të bëjnë gjithçka për t'i kthyer të gjithë të rrëmbyerit në shtëpi.

Ajo tha se shpesh zgjohet duke menduar se çfarë të bëjë për të rikthyer djalin e saj.

“Kur mora vesh që Alon u rrëmbye, vendosa të jem e fortë, të luftoj. Në këtë luftë kërkoj mbështetjen e familjes, komunitetit tonë, popullit izraelit dhe serb, si dhe të gjithë qytetarëve të botës për të na ndihmuar të ngulmojmë në këtë luftë për mbarë njerëzimin”, theksoi ajo.

Ajo theksoi se izraelitët po luftojnë për të rikthyer jetën e tyre dhe se ajo e di që Alon është i fortë dhe do të kalojë të gjitha tmerret.

“E di që i ndihmon të tjerët t’i kalojnë këto momente të vështira, çdo natë mendoj se çfarë po kalojnë të gjithë... Mendoj se ku është djali im, çfarë po bën, a ka për të ngrënë, a mund të flejë .." tha nëna e shqetësuar.