Selakoviq në Kajmakçalan: Ushtari serb nuk ka shkuar askund si pushtues

Ministri i Punës, Punësimit, Veteranëve dhe Çështjeve Sociale i Serbisë, Nikola Selakoviq, udhëhoqi ceremoninë shtetërore të nderimit dhe vendosjes së kurorave me rastin e 105 vjetorit të depërtimit të Frontit të Selanikut në Kajmakçalan.

Selakoviq tha se sot në Kjmakçalan janë mbledhur njerëz nga të gjitha zonat ku jetojnë serbët. Ai theksoi se kjo është më e pakta që mund të bëhet dhe përkujtoi se ushtria serbe ka kaluar pikërisht 107 vjet më parë në këtë rrugë, duke thyer frontin në Kajmakçalan, majën më të lartë të malit Ninxha. Ai ka theksuar se pas luftës së madhe populli serb Kajmakçalanin e ka quajtur “Porta e Lirisë” dhe “Porta e Atdheut”.

“Ne u mblodhëm për të nderuar hijet e heronjve tanë. Këtu kanë vdekur 4.643 njerëz të mëdhenj, nuk ua dimë emrat, por janë njerëz të mëdhenj. Ata u ngjitën në këtë majë nën luftë dhe prej këtu arritën për më pak se dy muaj në Manastir, i cili ishte de facto kryeqyteti i Serbisë për dy vitet e ardhshme, komanda jonë supreme ishte vendosur në fshatin Baç, kujtoi Selakoviq.

Ministri theksoi se Serbia së bashku me Republikën Srpska i kushton rëndësi të madhe kultivimit të kulturës së përkujtimit dhe shprehu besimin se në të ardhmen bashkërisht do të ngrenë memorialet e luftës që janë shkatërruar.

“Do ta bëjmë këtu në Maqedoninë e Veriut, në bashkëpunim me Qeverinë e Maqedonisë së Veriut, do ta bëjmë edhe në çdo rajon tjetër ku një ushtar serb që nuk shkoi askund si pushtues, u largua ose sepse duhej ose shkoi në mbrojnë tokën e tij të lindjes. Ardhja jonë këtu, lutja jonë për shpirtin e tyre, këndimi i himnit tonë kombëtar në këtë vend tregon se ata me të vërtetë fituan”, tha ministri.

Kryetari i Asamblesë Kombëtare të Republikës Srpska, Nenad Stevandiq, theksoi rëndësinë e Kajmakçalanit dhe theksoi se kjo dëshmon se sakrifica e tyre zgjat me shekuj.