Studentët e Universitetit të Prishtinës: Përditë po ndeshemi me shkeljen e të drejtave të njeriut

Parlamenti Studentor i Universitetit të Prishtinës me seli të përkohshme në Mitrovicën e Kosovës u ka përcjellë letër Konferencës Studentore të universiteteve të Sërbisë dhe Unionit Europian Studentor në të cilën vihen në pah se ata sikurse mbarë popullsia sërbe në Kosovë. po ndeshen me diskriminim, sjellje të dhunshme, cënimin e lirisë së lëvizjes dhe mohimin e mundësive që janë domethënëse për studim për shkak të veprimeve të përfaqësuesve të palës shqiptare

Me këtë letër të dërguar me rastin e 10 dhjetorit-Ditës Ndërkombëtare të të Drejtave të Njeriut, studentët dëshirojnë të vënë në dukje shkeljen e të drejtave të njeriut në Kosovë prej të cilave preken përditë.

“Rëndësinë e kësaj dite e shfrytëzojmë të kujtojmë gjendjen e rëndë të popullit dhe studentëve sërb në jug të Sërbisë, të cilët përditë ndeshen me shkeljen e të drejtave themelore të njeriut të përcaktuara me Deklaratën Universale të të Drejtave të Njeriut, e cila është miratuar dhe shpallur nga Rezoluta e Asamblesë së Përgjithshme të Kombeve të Bashkuara më 10 dhjetor të vitit 1948” thuhet në letër.

Kujtohet se Asambleja e Përgjithshme e KB shpalli Deklaratën Universale të të Drejtave të Njeriut si standard i përbashkët që duhet të arrihet nga të gjithë popujt dhe të gjitha kombet në mënyrë që çdo individ dhe çdo organ i shoqërisë, duke vazhdimisht parasysh, të përpiqet të kontribuojë në respektimin e të drejtave dhe lirive përmes edukimit dhe mësimit për të siguruar njohjen dhe respektimin e tyre të përgjithshëm dhe real me masa graduale të brendshme dhe ndërkombëtare, si midis popujve të vetë shteteve anëtare, ashtu edhe mes popujve të atyre territoreve nën administrimin e tyre.

Studentët tregojnë se Universiteti i Prishtinës me seli të përkohshme në Mitrovicën e Kosovës për më shumë se gjysmë shekulli, ka arritur të ndërtojë identitetin e vet si institucioni më i rëndësishëm arsimor dhe kërkimor shkencor në hapësirën e Kosovës.

Në universitet studiojnë gati 9000 studentë në 10 fakultete, në të gjitha nivelet e studimit, në më shumë se 100 programe studimi. Në Universitet janë të punësuar 794 mësues dhe ndihmës mësimdhënës, si dhe 368 bashkëpunëtorë administrativë dhe profesionalë.

Universiteti funksionon si pjesë e sistemit arsimor të Sërbisë dhe është anëtar i Konferencës së Universiteteve të Sërbisë.

“Studentët e Universitetit tonë, si dhe mbarë popullata në Kosovë e Metohi, janë të ekspozuar ndaj diskriminimit, sjelljeve të dhunshme, cënimeve të lirisë së lëvizjes dhe mohimit të mundësive që janë domethënëse për studim për shkak të veprimeve të përfaqësuesve të palës shqiptare” bëhet e ditur në letër.

Studentët paralajmërojnë se realizimi i studimeve cënohet përditë nga qeveria prishtinase e cila është shkaktar i problemeve të ndryshme për shkak të veprimeve të saj të njëanshme:

“Vitet e fundit shumë herë jemi përballur me ndalimin e importit të mallrave, çka rëndon punën e mensës së studentëve dhe poliklinikës studentore, librat i kanë të shkruara në alfabetin cirilik dhe janë të domosdoshme për të punuar çka janë marrë nga e ashtuquajtura polici kosovare, ndërsa Biblioteka e Universitetit me afro 15.000 tituj është zhvendosur nga ambientet e saj të punës; autoritetet e vetëshpallura nga Prishtina ndaluan punën edhe në objektin e ri të Universitetit, në të cilin ishte planifikuar të vendosej rektorati dhe katër fakultete; vendimet e tyre për shfuqizimin e dinarit, mbylljen e bankave dhe postës, si dhe mbylljen e institucioneve sërbe, rezultuan në një sërë vështirësish në punën e përditshme të fakultetit-pamundësia e regjistrimit për provime, pagesa e tarifave shkollore, mungesa e dokumentacionit për konviktet studentore, si dhe për kreditet dhe bursën studentore etj; jorrallë përballemi me frikësimin e popullit dhe vështirësitë në realizimin e aktiviteteve jashtëmësimore dhe të gjitha sa më sipër janë vetëm pjesë e situatës dhe kushteve reale në të cilat jetojmë dhe studiojmë”.

Konstatojnë se të gjitha vështirësitë e listuara nuk janë të njohura në nivel ndërkombëtar dhe se zëri i tyre nuk arrin larg.

 “Studentët tanë meritojnë të njëjtat të drejta dhe mundësi për të mësuar, avancuar dhe përvetësuar aftësi si studentët në çdo universitet në pjesën tjetër të Sërbisë, Evropës dhe botës, dhe ne ju kërkojmë si qytetarë akademikë të ardhshëm, të na mbështesni dhe ndihmoni që ky informacion të arrijë sa më larg sepse besojmë se me forca të përbashkëta mund të bëjmë diferencën dhe të ndikojmë në përmirësimin e kushteve në të cilat jetojmë, studiojmë dhe punojmë përditë. Shpresojmë që së bashku me ne të mbështesni përpjekjet që situate në Kosovë e Metohi të përmirësohet me qëllim që studentët sërbë të vazhdojnë të papenguar rrugën e tyre të arsimit akademik” thuhet në letrën drejtuar SKONUS dhe Unionit Studentor Europian, e cila është nënshkruar nga prorektorja e Universitetit të Prishtinës, Jovana Shmigiq.