Sulm ndaj Kishës së Shën Spasit Shpëtimtarit në Prizren, prokuroria e regjistroi rastin si “dëmtim të pronës”

Policia e Kosovës identifikoi dhe mori në pyetje një burrë, i cili dyshohet se, gjatë natës ndërmjet 18 dhe 19 gushtit, nën ndikimin e alkoolit, dëmtoi dyert dhe ndriçimin e jashtëm të Kishës së Shën Shpëtimtarit në Prizren.

Sipas Policisë së Kosovës, incidenti ndodhi më 19 gusht, rreth mesnatës, ndërsa i dyshuari, një burrë nga Kosova, u lokalizua dhe u mor në pyetje më 21 gusht, transmeton Radio Kontakt Plus.

Dyshohet se, në gjendje të dehur, ai shkaktoi dëme materiale në dy dyert hyrëse dhe në reflektorët e objektit fetar.

Pas marrjes në pyetje, prokurori kompetent vendosi që i dyshuari të lihej i lirë, ndërsa lënda u dërgua në procedurë të rregullt gjyqësore, e cilësuar si vepër penale “asgjësim ose dëmtim i pronës”, bëri të ditur Policia e Kosovës.