Përmbledhja e javës 72

Edhe kur pak kush mendon për sportin, gjithçka kthehet në garë. Që të fitojnë, e më e rëndësishmja, që ta mundin tjetrin. Ndonjëherë gjyqtarët ndihmojnë, e ndonjëherë pengojnë. Cilat disiplina dominuan këtë javë dhe kush kë përpiqej ta disiplinonte?

Asnjëherë në rajon nuk është shumë nxehtë për një ngrohje shtesë të atmosferës në fushë. Prandaj, sipas vlerësimit të KQZ-së, kjo është një mundësi e përshtatshme për të futur rregulla të reja në garë.

“Do të jetë interesante të shihet sa mund ta shtyjë Albin Kurti këtë kufi të tolerancës së Perëndimit dhe të tregojë mospërputhje”, përfundon historiani Stefan Radojkoviq pas vendimit të KQZ-së për të mos konfirmuar pjesëmarrjen e Listës Serbe në zgjedhjet lokale.

Kufijtë do të duhet t’i caktojnë gjyqtarët. Edhe pse as vendimet e tyre deri më tani nuk u kanë pëlqyer të gjithë lojtarëve.

“Gjyqtari ka vendosur”, thotë analisti politik Shkëlzen Maliqi. “Ju pëlqen apo jo!”

Ndoshta vendimi i gjyqtarit nuk mund të anulohet, por mund të komentohet. Dhe për gjithçka të fajësohet. Ashtu si në sport.

“Paramendoni një gjyqtar budalla...”, përshkruan figurativisht rrethanat në Kosovë pas vendimit të Gjykatës Kushtetuese profesori Nexhmedin Spahiu, “Dhe ai gjyqtar do të interpretonte rregullat e futbollit ndryshe nga ç’janë. Për shembull që ndeshjen ta fitojë ekipi që pëson më shumë gola”, thotë Spahiu.

Kush do të shënojë më shumë pikë është e rëndësishme në një disiplinë tjetër, për të cilën, sipas të gjitha gjasave, Kosova po përgatitet.

Millosh Pavkoviq nga Qendra për Politika Evropiane pret një ndeshje të ashpër. Edhe para, edhe pas zgjedhjeve.

“Me këtë hapim një agoni të re, në kuptimin e shkuarjes në zgjedhje të reja parlamentare. Ato janë nën një pikëpyetje të madhe, në kuptimin nëse do të jenë në gjendje ta zgjidhin këtë krizë politike”, thotë Pavkoviq.

Për atë sport duhen edhe arbitra ndërkombëtarë. Edhe pse për vlerësimet e tyre ndonjëherë nevojitet një sqarim shtesë. Këtë javë kemi interpretuar çfarë tha dhe çfarë mendoi ambasadori gjerman Rohde.

“Deklaratat janë në drejtim të mirë”, thotë Sllobodan Zeçeviq nga Instituti për Studime Evropiane. “Megjithatë”, shton ai, “është e nevojshme të konkretizohen me veprime politike nga BE-ja dhe SHBA-ja”.

Këtë javë pati shumë mundësi për veprime specifike. Në të gjithë rajonin. Zjarret janë një rrethanë e rrallë kur të gjithë luajnë për të njëjtin qëllim.

"E patë që zjarrfikësit tanë u përplasën me zjarre me mëngë të shkurtra", përshkruan gazetari Marko Stojanoviq pajisjet dhe përfshirjen në shuarjen e zjarreve në Mal të Zi.

Ndoshta pajisjet janë arsyeja pse sportet e vërteta lejohen në Kosovë për disa dhe jo për të tjerët. Apo përzgjedhja bëhet sipas ndonjë kriteri tjetër?

"Nuk ka politikë këtu", thotë Millan Radojeviq nga Lista Serbe. "E megjithatë, ata shkuan aq larg saqë i ndaluan fëmijët tanë dhe klubet tona të përdorin Sallën e Sporteve," shpjegon Radojeviq.

Terreni është i parëndësishëm kur rregullat janë të qarta. Të kuptuarit e rregullave në Kosovë është një disiplinë e veçantë, në të cilën ka pak fitues.