Bildt: Perspektiva të zymta për përparim në normalizimin e marrëdhënieve, Kurti bllokon zbatimin e marrëveshjes

Bashkëkryetari i Këshillit Evropian për Marrëdhënie me Jashtë dhe ish-kryeministri i Suedisë, Carl Bildt, vlerësoi se pas fitores së Vetëvendosjes në zgjedhjet në Kosovë, perspektivat për përparim në normalizimin e marrëdhënieve mes Beogradit dhe Prishtinës janë të dobëta, sepse Albin Kurti po bllokon zbatimin e Marrëveshjes së Ohrit.

Ai gjithashtu theksoi se me votat e fituara, Kurti duhet të jetë në gjendje të formojë qeverinë.

“Me 49 për qind të votave në zgjedhjet në Kosovë, kryeministri Kurti duhet të jetë në gjendje të formojë një qeveri të rregullt. Megjithatë, perspektivat për përparim në normalizimin e marrëdhënieve janë të zymta, duke pasur parasysh se Kurti po bllokon zbatimin e Marrëveshjes së Ohrit”, tha Bildt në një postim në X.