Bishevac: Spekulimet me numrin e serbëve në Kosovë motivohen nga synimi për të ndryshuar statusin e tyre

Përsëritja e deklaratave të disa përfaqësuesve të qeverisë në Prishtinë, të cilët pretendojnë se numri i serbëve në Kosovë është më i vogël se sa numri i shqiptarëve në Serbi ose Mal të Zi, tregon qëllimet e tyre për të ndryshuar statusin e serbëve në Kosovë, thotë për Kosovo online anëtari i kryesisë së Listës Serbe, Nemanja Bishevac.

"Mendoj se ata do të përpiqen në çdo mënyrë të shmangin formimin e Bashkësisë së Komunave me Shumicë Serbe, ndërsa nga ana tjetër, ndoshta do të synojnë të tregojnë se në Kosovë nuk ka aq shumë serbë dhe se nuk ka nevojë që gjuha serbe të jetë zyrtare në territorin e Kosovës," vlerësoi Bishevac.

Gjegjësisht, kryeministri i Kosovës Albin Kurti në një intervistë gjatë vizitës së tij në Sarajevë ka deklaruar se në Kosovë ka më pak serbë se sa shqiptarë në Serbi, e të njëjtën gjë e ka përsëritur edhe zëvendësi i tij në qeveri, Besnik Bisljimi në rrjetin social “X”.

Këto deklarata Bishevac i lidh edhe me fushatën e Vetëvendosjes, e cila, siç thotë ai, kërkon të fitojë pikë shtesë në kurrizin e popullit serb.

Sipas Bishevacit, zyrtarët e Kosovës po spekulojnë për numrin e serbëve në Kosovë, pasi serbët, veçanërisht në veri, nuk morën pjesë në regjistrimin e popullsisë që u mbajt pranverën e kaluar.

“Numri që ata tregojnë natyrisht nuk është autoritar dhe jo realist. Autoritetet në Prishtinë do të përpiqen në çdo mënyrë deri më 20 janar, kur presidenti i sapozgjedhur amerikan Trump të marrë detyrën, gjegjësisht deri më 9 shkurt, kur mbahen zgjedhjet në Kosovë, të përpiqen ta përdorin atë informacion të deformuar për qëllimet e tyre për të marrë disa pikë më të lira politike. Shpresoj se ata nuk do të kenë bashkëbisedues në bashkësinë ndërkombëtare që do t'i dëgjojnë, por që do t'u tregojnë numrin e vërtetë të serbëve në Kosovë”, përfundon Bishevac.