Bozhinovski: Qeveria e re do të përpiqet të rivendosë marrëdhëniet mes Shkupit dhe Beogradit

Profesori i shkencave politike dhe drejtori i programit të Institutit për Hulumtime Politike nga Shkupi, Vladimir Bozhinovski, beson se pas zgjedhjeve në Maqedoninë e Veriut, marrëdhëniet me Serbinë do të rikthehen dhe përmirësohen, sepse sipas vlerësimit të tij kanë shkuar në drejtim të padëshirueshëm në kohën e ministrit Bujar Osmani.

Qëllimi i politikës maqedonase është të krijojë marrëdhënie të mira me të gjithë fqinjët, veçanërisht me ata që nuk vendosin kushte dhe veto, thekson ai.

"Këto janë Serbia dhe Kosova. Unë mendoj se qeveria e re do të përpiqet të vendosë ose të rivendosë marrëdhëniet midis Shkupit dhe Beogradit siç kanë qenë. Dhe sa i përket Kosovës, shpresoj që ata të vazhdojnë të kenë marrëdhënie në drejtim të respektit dhe mirëkuptimit të ndërsjellë. Pra, nuk pres që marrëdhëniet me disa të bëhen më të ashpra dhe me të tjerët të përmirësohen ajo që duhet është që marrëdhëniet me Kosovën të vazhdojnë në një drejtim të ngjashëm dhe të përmirësohen marrëdhëniet me Serbinë, e cila, veçanërisht në periudhën e ministrit Bujar Osmani, disi shkuan në një drejtim të padëshirueshëm”, thekson Bozhinovski.

Ai shton se numri i votave të fituara dhe mandatet në parlament janë brenda kufijve të asaj që pritej para zgjedhjeve.

“VLEN-i mori 13 deputetë siç pritej, dhe BDI-ja mori 19 deputetë, duhet të presim rezultatet përfundimtare të KSHZ-së, por mendoj se do të kenë 19 deputetë. Edhe pse 17 deputetë për BDI-në ishte një variant që të gjithë supozonim se do t'i vinte fundi, në këtë rol luajtën votat e partive nga bashkësitë më të vogla etnike që iu bashkuan koalicionit me BDI-në dhe ndihmuan për të arritur një rezultat më të mirë”, thotë Bozhinovski.