Daçiq: Marrëveshja për bashkëpunim me ASEAN është e rëndësishme, shumica e vendeve anëtare nuk e njohin Kosovën

Ministri i Punëve të Jashtme, Ivica Daçiq, thotë se Serbia në periudhën paraprake e ka vendosur anëtarësimin në iniciativat rajonale si një nga prioritetet e saj, dhe një prej tyre është pranimi në Traktatin e Miqësisë me ASEAN dhe thekson se kjo është jashtëzakonisht e rëndësishme për vendin duke pasur parasysh se nga 10 shtete të kësaj organizate, gjashtë nuk e kanë njohur Kosovën, raporton RTS.

Ivica Daçiq thekson se asnjëherë nuk ka pasur konsensus dhe se për herë të parë këtë vit, të gjitha vendet e ASEAN-it janë deklaruar pozitivisht. 

"Unë sot kam nënshkruar atë instrument pranimi. Serbia është vendi i 52-të që e nënshkroi atë," shtoi Daçiç.

Ai theksoi se, ndër të tjera, traktatit i janë bashkuar të gjitha fuqitë e mëdha, përfshirë SHBA-në, Rusinë, madje edhe BE-në si organizatë.

"Ne ngecëm pas diçkaje që të tjerët e kishin bërë shumë kohë më parë. Pse është e rëndësishme - nga 10 vende, gjashtë nuk e njohën Kosovën, dhe mendoj se disa e njohën sepse ne nuk ishim mjaftueshëm të pranishëm në rajon. Ne po flasim për vendet me 600 milionë banorë, disa mijëra miliardë dollarë PBSH së bashku. Kemi rreth 700 milionë dollarë shkëmbim tregtar me ASEAN, presim që këtë vit dhe vitin e ardhshëm mund të jetë më shumë se 1 miliard dollarë”, tha Daçiq.

Ai theksoi se ky është një mekanizëm i rëndësishëm që ne të jemi të pranishëm edhe ekonomikisht edhe kulturalisht, por më të rëndësishmet janë temat politike.

"Këto janë vende mike që nga koha e Titos dhe Lëvizjes së Painkuadruarve. Indonezia ka 300 milionë banorë... Të gjitha këto vende janë jashtëzakonisht të mëdha, ky është një hap i madh", shtoi Daçiq.

Ai po ashtu thotë se kjo nuk cenon angazhimin tonë themelor – integrimin evropian dhe se nuk bie ndesh me atë që u nënshkrua sot.

“Ky është një aderim në kontratën e tyre, ne nuk jemi shtet anëtar”, tha Daçiq.

Duke folur për qëndrimin e Serbisë ndaj luftës në Ukrainë, Daçiq thotë se fakti se shumica e 10 vendeve anëtare të ASEAN-it e dënuan agresionin, por nuk vendosën sanksione, është tregues se sa e drejtë ka qenë politika e Serbisë.

"Të gjitha këto vende e kanë dënuar shkeljen e integritetit territorial të Ukrainës, por shumica e këtyre vendeve nuk i kanë vendosur sanksione Rusisë. Ata thjesht kanë interesat dhe botëkuptimin e tyre dhe janë të gjithë të pranishëm këtu në samitin e ASEAN, presidentët e Amerikës, Rusia dhe Kinës vijnë shpesh, prandaj mendoj se Serbia fitoi shumë nga kjo. Jemi prezent për herë të parë dhe do të jemi gjithmonë prezent në këtë lloj ngjarjeje”, ka përfunduar Daçiq.