Daçiq: Serbia nuk dëshiron acarim të marrëdhënieve në Kosovë, por vazhdimisht po na kërcënojnë

Ministri i Punëve të Jashtme të Serbisë, Ivica Daçiq, duke komentuar deklaratën e kryeministrit të Kosovës, Albin Kurti se Marrëveshja e Brukselit nuk vlen për të, tha se Kurti nuk mund të bëjë deklarata të tilla pa u ndëshkuar nga askush dhe shtoi se bisedimet janë zhvilluar në vitin 2012 në bazë të neutralitetit të statusit dhe se tani po mundohen ta detyrojnë Serbinë të njohë pavarësinë e Kosovës përmes metodave të ndryshme indirekte, transmeton Kurir.

"Për ne, kjo është e papranueshme. Ne nuk mund të ecim përpara nëse nuk zbatohet ajo që u nënshkrua. Ku është përgjegjësia e BE-së dhe ku është Catherine Eshton tani? Ku do të jenë Sholz dhe Makron pas pesë vjetësh? Dhe ne do të mbetemi me të gjithë se kemi mbaruar për çështjen e Kosovës, këto janë gjëra shumë më serioze se deklaratat ditore politike”, tha Daçiq.

Ai shton se Serbia nuk dëshiron acarim të marrëdhënieve në Kosovë, por se Kosova vazhdimisht kërcënon.

“Tani kërcënojnë se do të dërgojnë ushtrinë në veri të Kosovës dhe përsëri askush nuk bën asgjë, flamujt e Shqipërisë së madhe valojnë në Tetovë dhe përsëri askush nuk bën asgjë”, thekson ai.

Duke iu referuar anëtarësimit të mundshëm të Serbisë në BE, Daçiq thotë se nuk ka dyshim se Serbia dëshiron të bëhet anëtare e BE-së.

Ai shton se ka edhe një çështje tjetër, prandaj Britania e Madhe u largua nga BE.

"Qëndrimi i tyre ishte se nuk ishte në përputhje me interesat e tyre kombëtare. Islanda hoqi dorë nga anëtarësimi në BE sepse ata gjykuan se kjo nuk korrespondonte me interesat e tyre ekonomike, në radhë të parë për shkak të peshkimit. Zvicra nuk e dëshiron fare atë, edhe Norvegjia nuk është anëtare e BE-së”, tha Daçiq.

Ai shton se këto janë vende të pasura që kanë interesat e tyre.

“Nuk kemi dilema, por kur është fjala për të gjitha këto duhet të sillemi si një vend serioz dhe i përgjegjshëm, dhe kjo është të shohim se ku qëndron interesi ynë kombëtar dhe shtetëror, pra cilat janë kushtet për të qenë anëtarë të BE-së. Nuk është shkruar askund që Serbia duhet ta njohë Kosovën, prandaj them, le të na thonë se çfarë duhet të bëjmë konkretisht. Nëse ndjekim atë që kanë shkruar, atëherë rruga jonë do të varej vetëm nga reformat, negociatat dhe në anën tjetër nuk kemi asnjë përgjegjësi nëse bisedimet me Prishtinën nuk shkojnë siç pritej”, tha shefi i diplomacisë serbe.