Gjuriq: Sholle më tha se SHBA po synon seriozisht të ndërmarrë hapa drejt formimit të BKS

Sërbia po bën shumë përpjekje që faqja e re në marrëdhëniet me Shtetet e Bashkuara të Amerikës, e cila u kthye disa vite më parë, të shndërrohet në një partneritet strategjik, tha për Juronjuz Sërbia ambasadori sërb në Uashington, Marko Gjuriq, i cili gjithashtu tregoi se Amerika synon të ndërmarrë hapa seriozë drejt formimit të BKS.

Ai foli edhe për angazhimin e SHBA në dialogun mes Beogradit dhe Prishtinës dhe nënvizoi se ka pak që ka biseduar me zyrtarin e Departamentit të Shtetit, Derek Sholle i cili i ka thënë se Amerika synon të ndërmarrë me shumë seriozitet hapa drejt formimit të Bashkësisë së Komunave Sërbe.

“Ne me të vërtetë përpiqemi që në një të ardhme të afërt të fillojmë një dialog formal strategjik mes Sërbisë dhe SHBA. Mendojmë se ky është një borxh ndaj të tashmes, por edhe ndaj gjeneratave të ardhshme, të cilëve duam t'u lëmë si trashëgimi një marrëdhënie të mirë me fuqinë më të madhe dhe më me ndikim të qytetërimit perëndimor” tha Gjuriq.

Siç thekson ai, marrëdhënia me SHBA është padyshim një nga shtyllat e politikës së jashtme sërbe, e cila, shton ai, është e matur dhe e balancuar.

"Duke pasur parasysh këtë, ne gjejmë një interes të konsiderueshëm për të zhvilluar marrëdhënie të mira me Amerikën, me faktin se një gjë gjithashtu ka ndryshuar rrënjësisht. Ne nuk kemi më një marrëdhënie pasive në këtë përpjekje, ne operojmë me forcë të plotë në tokën amerikane, në Uashington, Nju Jork, Çikago ku ulen përfaqësuesit tanë dhe punojmë jo vetëm me institucionet amerikane, por edhe me ekonominë, me komunitetin tonë, me njerëz të origjinës sonë prej të cilëve janë mbi një milion në Amerikë”, theksoi ai.

Kur bëhet fjalë për vizitat e zyrtarëve amerikanë në Beograd, Gjuriq thotë se ata para së gjithash e shohin Sërbinë si një pjesë të mozaikut të marrëdhënieve më të gjera transatlantike.

Siç theksoi, marrëdhëniet me SHBA definitivisht janë një prej shtyllave të politikës së jashtme sërbe e cila, siç shtoi, është e matur dhe e balancuar.

Siç thotë ai, Sërbia është në fakt ajo që po lufton për vëmendje pozitive, për të ndryshuar çdo ditë një imazh shumë të keq që u formua në këtë truall në vitet nëntëdhjetë.

I pyetur nëse ky imazh mund të ndryshohet, Gjuriq përgjigjet-“absolutisht”.

"Ne po mundohemi t’a rifreskojmë për ta këtë imazh. Gjithmonë apelojmë që t’a shikojnë Sërbinë me sy të rinj si një vend që po zhvillohet ekonomikisht me shpejtësi, që ka ndryshuar paradigmën e ekonomisë së saj, politikën, si një vend që aktualisht është e dyta në Europë për sa i përket rritjes ekonomike. Kaq shumë mund të arrijmë në ekonomi së bashku, gjë që dëshmohet nga fakti se Amerika është bërë “partneri numër një” i Sërbisë ku njerëzit këtë nuk e dinë, për sa i përket shërbimeve ku janë punësuar mbi 36,000 njerëz në vend. Larg kësaj se marrëdhënia jonë ka të bëjë vetëm me ekonominë, Amerika është një vend që formëson tendencat globale të ekonomisë, politikës, sigurisë, e gjithçkaje, si në rajonin tonë ashtu edhe në të gjithë qytetërimin perëndimor dhe globalisht ka një ndikim të madh dhe pretendues, çka mund të bëjmë pa një veprim aktiv ndaj tyre, por ekzistojmë dhe mbrojmë interesat tona, ku direkt do të na dëmtonte vetëm ne” tha Gjuriq.

Kur është fjala për dialogun mes Beogradit dhe Prishtinës, Gjuriq thotë se Sërbia dëshiron të ruajë stabilitetin në Kosovë, të mbrojë ekonominë kolektive, politike dhe të të drejtave të sërbëve, të çelë “rrugët e bashkëpunimit” apo të transhojë rrugën drejt një normalizimi marrëdhëniesh të gjithanshme dhe bisedimet e Ohrit dhe rezultati i bisedës është një hap në këtë drejtim.

“Megjithatë, më duhet të them se duke parë se çfarë po ndodh në ditët pas kësaj dhe duke ditur thelbin e politikës radikale ekstremiste të liderëve në Prishtinë, mbi të gjitha të (Albin) Kurtit, nuk kam shumë arsye për optimizëm" tha ai.

Siç ka raportuar ai, para se të vinte në Sërbi, të premten e kaluar kishte një bisedë shumë serioze me Derek Sholle të vetmin nga njerëzit kryesorë dhe krijuesit e politikës së jashtme.

"Ai më tha se Amerika synon të ndërmarrë hapa shumë seriozë drejt formimit të BKS. Ata e kanë udhëhequr procesin drejt saj, jo me ritmin dhe as afër dinamikës që do të donim. Duam vetëm t'ju kujtojmë për faktin se Amerika as formalisht nuk është garantuese dhe as nënshkruese e Marrëveshjes së Brukselit, këtë duhet t’a kishte bërë BE 10 vjet më parë dhe falë tyre që u angazhuan në çështjen e BKS më shumë se disa vende europiane dhe që ndihmuan për të ndalur eskalimin e situatës. Eskobar deklaroi publikisht se BKS do të formohet me ose pa Kurtin, ngelet për t’u parë sesa shpejt do të realizohet. Kërkesat e sërbëve janë shumë racionale, që Kurti të tërheqë formacionet ilegale nga veriu, shtatë baza ilegale, të ndalojë terrorin, i patë mbrëmjen e djeshme të shtënat e tjera dhe gjëja e tretë të shikojmë hapa konkrete drejt BKS” tha ai.

Siç u shpreh ai, në Uashington kërkova sanksione për Kurtin dhe “kursit të tij ekstremist” dhe pretendon se Sërbia përditë tregon se çfarë është duke bërë Pishtina, gjë që na largon prej normalizimit.

“Si SHBA dhe BE, kanë mekanizma që shpresoj se do t'i përdorin në një masë shumë më të madhe në periudhën e ardhshme për të joshur Kurtin dhe qeverinë e atjeshme në një kurs të vërtetë të normalizimit të marrëdhënieve”, tha ai.

Ai ka treguar se ka qenë në Boston dhjetë ditë më parë dhe thotë se është magjepsëse të bisedosh me të rinj sërbë që janë në Harvard dhe një numër shkollash të tjera të larta amerikane.

“Në punën me diasporën tonë, në thelb kemi munguar në Amerikë prej shumë vitesh për shkak të gjithçkaje që ka ndodhur në tre dekadat e mëparshme e ndoshta edhe në periudhën para kësaj, është krijuar një hendek i madh mes të Sërbisë dhe njerëzve tanë të atjeshëm. Ne po përpiqemi t’a kapërcejmë këtë boshllëk. Po përpiqemi të rivendosim kontaktin, besimin. Për këtë në dy vitet e fundit kemi dërguar ekipet tona nga ambasada dhe sa herë që kam mundur, kam qenë duke vizituar komunitetet tona në të gjithë Amerikën. Kemi filluar t'i bashkojmë, të mblidhemi dhe si rezultat, muajin e kaluar në Uashington, organizuam konferencën e parë të mërgimtarëve sërbë në Amerikë. U dhamë një impuls të ri atyre në lidhjen e ndërsjelltë, një lloj drejtimi i motivoi ata. Ndërkohë që po shikojmë rezultate të caktuara”, tha Gjuriq.