Igrutinoviq: Ekziston frika se Prishtina mund të ndalojë veprimtarinë e Listës Serbe

Bashkëpunëtori hulumtues i Institutit për Studime Evropiane, Millan Igrutinoviq, vlerësoi se pavarësisht sinjaleve që Prishtina merr nga përfaqësuesit e bashkësisë ndërkombëtare, ende ekziston frika nga ndalimi i Listës Serbe.

"Ekziston frika. Sinjalet që Prishtina po merr janë që kjo të mos bëhet, sepse është një akt eskalimi dhe përshkallëzimi të tensioneve. Megjithatë, gjatë viteve të fundit kemi parë periudha të 'tensionimit dhe qetësimit'. Do të jetë e rëndësishme të shihet në muajt e ardhshëm se si do të jetë atmosfera, jo vetëm në marrëdhëniet mes Beogradit dhe Prishtinës, të cilat janë vazhdimisht të këqija, por edhe mes komunitetit ndërkombëtar në terren, vendeve të Quint-it, ambasadave të tyre dhe Prishtinës," deklaroi Igrutinoviqi për Kosovo online.

Sipas fjalëve të tij, "çelësi" i përgjigjes qëndron nëse Kurti do të vendosë për legjitimimin e komunitetit serb apo do të vazhdojë me hapa radikalë.

Shanset, sipas mendimit të Igrutinoviqit, janë 50-50.

"Nëse vlerësohet se është e nevojshme një lloj legjitimimi i komunitetit serb brenda sistemit të Prishtinës, Kurti mund të mos ndërmarrë hapa radikalë, por ai shpesh ka qenë i gatshëm për veprime të tilla. Sinqerisht, është e vështirë të jepet një parashikim i saktë, sepse shanset për të dy opsionet janë 50-50," përfundoi Igrutinoviqi.