Vuçiq: Kurti do të fajësojë serbët për sulmin në kanalin Ibër-Lepenci pa prova, qëllimi heqja e Listës Serbe

Presidenti i Serbisë, Aleksandar Vuçiq, në seancën e Qeverisë të mbajtur në Pallatin “Serbia” tha se regjimi i Albin Kurtit do t’i shpallë fajtorë serbët pa asnjë provë materiale për sulmin në kanalin Ibër-Lepenac,me synimin për të ndaluar pjesëmarrjen e Listës Serbe në zgjedhjet e ardhshme.

“Në Kosovë dhe Metohi populli ynë po lufton fort për mbijetesë dhe për legjitimitet politik. Ajo që mund t'ju them është se regjimi i Kurtit në ditët në vijim do t'i shpallë fajtorë serbët pa asnjë provë materiale për devijimin e kanalit Ibër-Lepenci me qëllim të qartë politik. Kuptimi dhe qëllimi është që ata të përpiqen me të gjitha mjetet që ta ndalojnë pjesëmarrjen e Listës Serbe në zgjedhjet e ardhshme”, tha Vuçiq.

Ai tha se do të mbështetet nga administrata në largim e SHBA-së, e cila “po ushtron shumë ndikim në BE për heqjen e masave për Prishtinën”.

“Ata po kërkojnë që para së gjithash t'i mundësojnë Kurtit një fitore tjetër dhe vazhdimin e mëtejshëm të pamundësisë së mbijetesës serbe në provincën jugore serbe. Mendoj se do të jetë e rëndësishme që nesër të jem në Bruksel dhe do të përpiqem t'u tregoj njerëzve në Evropë saktësisht se çfarë po ndodh në Kosovë, edhe pse ata e dinë këtë. Mos harroni se 22 nga 27 anëtarë kanë një interes jetik për të mbështetur Prishtinën në asnjë mënyrë që nuk ka lidhje me atë që bëri Prishtina. Përpos që të ngremë zërin, nuk do të mund të marrim një rezultat real”, tha Vuçiq.

Ai tha se Serbia do të punojë në reforma dhe se do të bëjë më të mirën që deri në vitin 2026 të bëhet gjithçka në agjendën e BE-së.

“Ne do të bëjmë në shumë sfera të jetës diçka që asnjë vend tjetër nuk e ka bërë deri më tani, për shembull kur bëhet fjalë për ligjet e medias apo në fushën e drejtësisë. Dje u gëzova kur shumë ambasadorë më thanë se shihnin më shumë energji në Qeveri për anëtarësimin në BE. Sa i përket klasterit, ata do të na hapin përfundimisht klasterin në fund të janarit ose në ditët e para të shkurtit. Ndoshta njerëzit mendojnë se është e rëndësishme dhe se është një përmbysje. Është një çështje e rëndësishme, por kemi ende shumë për të bërë”, tha presidenti i Serbisë.

Ai kërkoi nga qeveria që të formojë një ekip dhe se ai do të donte që Millosh Vuçeviq të ishte kreu i ekipit të parë për sanksionet që amerikanët do të vendosin në NIS.

“Nuk do të ketë vetëm anëtarë të Qeverisë, por shumë ekspertë për të negociuar me rusët dhe amerikanët. Duhet të përgatitemi për të, sepse është një sfidë e madhe për Qeverinë dhe vendin. Nuk duhet t'i lejojmë vetes të mbesin pa naftë. Ne e kuptojmë pse po bëhen këto lëvizje, duhet të kujdesemi për kompanitë dhe ekipet tona. Për të mos lënë Bajatoviqin të negociojë vetë, duhet të krijoni një ekip për të negociuar me Gazprom për marrëveshjen e re të gazit. Të gjitha negociatat janë të mira për ju dhe në fund janë 100 ose 200 milionë që duhet të paguajë qeveria. Ne duhet të përgatitemi për bisedime me rusët për të bërë një marrëveshje trevjeçare për gazin. Sigurisht që në të ardhmen do të konsumojmë më shumë gaz”, tha Vuçiq.

Presidenti i Serbisë gjithashtu u bëri thirrje qytetarëve që t'i bashkohen ushtrisë serbe.

“Ne kemi paga veçanërisht të larta, jo vetëm për të ashtuquajturat njësi speciale. Vazhdoni të sillni ushtarë, sepse ne kemi siguruar shumë para për të paguar ushtarët dhe ata që hyjnë në njësitë tankiste, skautët dhe gjithçka tjetër që na nevojitet”, tha ai.

Ai paralajmëroi edhe paradën më të madhe ushtarake në Serbi me rastin e 80 vjetorit të përfundimit të Luftës së Dytë Botërore.

“Për herë të parë do t’u tregojmë njerëzve se çfarë kemi blerë dhe prodhuar. Është mirë të jesh në maj për shkak të motit, në fillim të majit për festat e 1 Majit. Nuk mund të përkojë me 9 majin sepse me siguri do të shkoj në Moskë në Sheshin e Kuq”, tha Vuçiq.