Lista Serbe: Kurtin e shëron frustrimin për mungesën e votave në parlament me serbofobi

Lista Serbe ka reaguar lidhur me hapjen e zyrave të Postës së Kosovës në Leposaviq dhe Zveçan, duke theksuar në një njoftim se, për shkak të pamundësisë për të zgjedhur kryetarin e parlamentit, "ish-kryeministri dhe sot deputet Albin Kurti sot erdhi për të provokuar" duke hapur një postë që, siç theksojnë, nuk shërben për asgjë tjetër përveçse për promovimin e tij personal.

"Kur nuk mund të bëhet kryeministër, sepse nuk i ka votat, Kurti vendosi të bëhet postieri. Dhe atë në komunat serbe të Zveçanit dhe Leposaviqit. Frustrimin e dukshëm për mungesën e votave në parlament Kurti përpiqet ta shërojë me serbofobi të shtuar dhe me turneun e sotëm 'safari' në Leposaviq dhe Zveçan, ku populli e injoroi plotësisht, ndërsa ai me dhjetëra pjesëtarë të njësive speciale iku me nxitim përsëri në Prishtinë", thuhet në deklaratë.

Lista Serbe përfundon se "ora po troket" për fundin e mandatit të Kurtit dhe se vizita e sotme duhet të shihet si rrethi i fundit i një "kali të lodhur".