Lista serbe për ndërtimin e stacionit policor në Zubin Potok: Kërkojmë reagim nga EULEX dhe KFOR

Lista Serbe njoftoi sot se njoftimi për ndërtimin e stacioni policor pranë shkollës fillore dhe kopshtit në Zubin Potok është shembull i presionit institucional të pushtetit në Prishtinë ndaj popullit serb në Kosovë dhe i bëri thirrje EULEX-it dhe KFOR-it të reagojnë, sepse janë përgjegjës për sigurinë e të gjithë qytetarëve.

Siç thonë në deklaratë, ndërtimi i stacionit policor është planifikuar “me konfiskim të paligjshëm të tokës nga institucionet arsimore, për të akomoduar policinë një etnike të Kurtit, të cilën populli serb nuk e percepton si pjesë e komunitetit”, gjë që shkaktoi pakënaqësi në mesin e qytetarëve në veri të Kosovës, veçanërisht në komunën e Zubin Potokut.

“Ka shumë shembuj të represionit dhe rrahjes së qytetarëve në komunën e Zubin Potokut nga pjesëtarë e policisë së Kurtit dhe ky veprim siç pritej ka shkaktuar shqetësim te qytetarët. Në të njëjtën kohë ky vendim synon të krijojë tensione shtesë dhe përshkallëzimin e situatës në veri të Kosovës dhe Metohisë, ku Kurti i injoron thirrjet e bashkësisë ndërkombëtare për deeskalim dhe zbatim të marrëveshjes për formimin e Asociacionit së Komunave Serbe”, thuhet në njoftim.

Lista serbe i kujton opinionit se “regjimi i Kurtit paraqet informacione të rreme për ekzistimin e një lloj vendimi nga viti 2018. për ndërtimin e një stacioni policor, sepse një vendim i tillë asnjëherë nuk është dorëzuar në vetëqeverisjen lokale, as nuk është kërkuar pëlqim dhe lejet për ndërtimin e një objekti të tillë të kërkuara nga udhëheqja e atëhershme”.

“I bëjmë thirrje përfaqësuesve ndërkombëtarë që ta frenojnë Kurtin dhe të parandalojnë përshkallëzimin e situatës në terren dhe vazhdimin e militarizimit të komunave tona. Veriu i Kosovës dhe Metohisë, me ndërtimin e bazave parapolicore nga Prishtina, gjithnjë e më shumë po i ngjan një burgu të hapur apo Koresë së Veriut, e jo fshatrave dhe qyteteve evropiane. Presioni institucional që Kurti ushtron ndaj qytetarëve tanë, qoftë edhe ndaj fëmijëve, i ka tejkaluar të gjitha masat dhe ata duhet të reagojnë urgjentisht. Kërkojmë reagim si nga EULEX-i ashtu edhe nga KFOR-i, të cilët janë përgjegjës për sigurinë e të gjithë qytetarëve, por gjithashtu besojmë se jemi të vetëdijshëm se kjo lëvizje nuk është një hap në drejtimin e duhur në drejtim të deeskalimit të situatës”, thuhet nga Lista Serbe.