Lista Serbe: Ushtria serbe është më e fortë se kurrë, ngjall siguri dhe besim

Përfaqësuesit e Listës Serbe, të cilët morën pjesë në ekspozimin e sotëm të kapaciteteve ushtarake “Granit 2023”, theksuan se janë krenarë për ushtrinë gjithnjë e më të fortë serbe dhe thanë se ushtria e fuqishme ngjall siguri dhe besim.

Ata kanë thënë për Kosovo online se sot, falë Presidentit dhe Komandantit të Përgjithshëm Aleksandar Vuçiq, Ushtria Serbe është e pajisur me armët më moderne dhe se përfaqëson krenarinë e popullit, veçanërisht të serbëve në Kosovë.

"Ne jemi krenarë për shfaqjen e armëve të Forcave të Armatosura të Serbisë që pamë sot në stërvitjen ushtarake "Granit 2023" dhe se Forcat e Armatosura të Serbisë janë më të forta dhe më të fuqishme se kurrë. Ne patëm mundësinë të sigurohemi që falë Presidentit dhe Komandantit tonë të Përgjithshëm Aleksandar Vuçiq, ushtria jonë tani është e pajisur me armët më moderne, automjete luftarake dhe mbrojtëse, për krenarinë e mbarë popullit serb, veçanërisht popullit tonë nga Kosova e Metohia. Kjo na jep siguri dhe besim shtesë”, kanë theksuar ata nga Lista Serbe.