Lista Sërbe: Vendimi i PZAP fitore e të drejtës dhe konfirmim i vullnetit zgjedhor të qytetarëve

Lista Sërbe njofton se vendimi i Panelit Zgjedhor për Ankesa dhe Parashtresa për të vlerësuar ankesën e tyre ndaj vendimit të Komisionit Qëndror Zgjedhor (KQZ) ishte fitore për të drejtat, ligjet dhe parimet demokratike, por dhe konfirmim i vullnetit zgjedhor të qytetarëve që mbështetën atë parti.

Sikurse u tha nga Lista Sërbe, PZAP anuloi vendimin e paligjshëm dhe antisërb të KQZ dhe konfirmoi bazën ligjore të ankesës dhe shpalli rezultatet finale të zgjedhjeve të Listës Sërbe, si dhe të deputetëve të saj të zgjedhur.

"Ky vendim përfaqëson fitore e të drejtës, ligjet dhe parimet demokratike, si dhe një konfirmim të vullnetit zgjedhor të qytetarëve që i dhanë mbështetjen e tyre Listës Sërbe. Presim që të gjitha institucionet kompetente të veprojnë në përputhje me vendimin dhe të mundësojnë zbatimin e tij të plotë dhe të papenguar, ndërsa ne do të vazhdojmë luftën për të drejtat e popullit sërb dhe respektimin e vullnetit të tyre zgjedhor", konkludohet në deklaratën e Listës Sërbe.

Paneli Zgjedhor për Ankesa dhe Parashtresa miratoi sot ankesën e Listës Sërbe ndaj vendimit të Komisionit Qëndror Zgjedhor për të mos publikuar rezultatet finale të zgjedhjeve për këtë subjekt politik dhe kandidatët e tij.

Paneli urdhëroi KQZ të shpallë rezultatet finale për këtë subjekt politik dhe kandidatët e tij në zgjedhjet e parakohshme për Kuvendin e Kosovës, të mbajtura më 28 dhjetor 2025.