Organizatat e shoqërisë civile: Akuza të rreme nga Bislimi dhe të tjerët të krijuara për të na trembur dhe për të na ekspozuar ndaj linçimit publik

Instituti për Zhvillim Ekonomik Territorial, si një nga përfaqësuesit e organizatave të shoqërisë civile në Kosovë, ka njoftuar lidhur me sulmin e zyrtarëve kosovarë ndaj përfaqësuesve të sektorit civil se çfarë thanë liderët nga Prishtina me rastin e vizitës së përfaqësuesve të këtyre organizatave në Brukselin ishin "gënjeshtra më të neveritshme".

Ata kanë publikuar një letër në rrjetin social “X” lidhur me sulmet e zyrtarëve të Qeverisë së Kosovës (zëvendëskryeministrit dhe kryenegociatorit Besnik Bislimi, zëvendësministri i Pushtetit dhe Administratës Lokale, Arbër Vokrri, si dhe Lëvizja Vetëvendosje).

“Për shkak të sulmeve sistematike dhe të orkestruara nga zyrtarët e Qeverisë së Kosovës në lidhje me vizitën e javës së kaluar në Bruksel, ne, përfaqësues të organizatave të shoqërisë civile, deklarojmë si vijon: organizatat tona kanë vite që punojnë individualisht dhe së bashku për të ndërtuar ura ndërmjet shqiptarëve dhe serbëve dhe për të promovuar pajtimin dhe tolerancën ndëretnike në Kosovë. Në aktivitetet tona, ne gjithmonë kemi avokuar për paqen dhe kemi dënuar publikisht të gjitha format e dhunës në Kosovë, qofshin ato nga pjesëtarët e komunitetit serb apo institucionet e Kosovës. Rezultatet e punës sonë janë të njohur gjerësisht për publikun dhe ne jemi jashtëzakonisht krenarë për to”, thuhet në njoftim.

Ata shtojnë se këto organizata mbështesin në mënyrë aktive dialogun ndërmjet Kosovës dhe Serbisë me ndërmjetësimin e BE-së, që ndër të tjera, thonë ata, ka qenë edhe arsyeja kryesore e vizitës së tyre në Bruksel.

Gjatë kësaj vizite, siç shtojnë ata, kanë prezantuar rezultatet e analizave dhe qëndrimet që çdo ditë i prezantojmë publikut lidhur me rrethanat shqetësuese të komunitetit serb të Kosovës.

"Dëshirojmë të theksojmë se puna e organizatave tona është në përputhje me ligjet dhe rregulloret e Kosovës. Ne jemi të pavarur në punën tonë nga çdo strukturë qeveritare, qofshin ato nga Prishtina, Beogradi apo gjetkë. Akuzat se ne jemi "propagandistët milioner të Vuçiqit" , dhe se marrim udhëzime nga Presidenti i Serbisë, apo kushdo tjetër, janë gënjeshtra më e neveritshme e krijuar për të na frikësuar, për të na ekspozuar ndaj linçimit publik dhe për të parandaluar bashkëpunimin e mëtejshëm me partnerë nga komunitetet e ndryshme etnike në Kosovë. Përmes sulmeve ndaj përfaqësuesve të shoqërisë civile, disa zyrtarë nga Qeveria e Kosovës ka treguar neverinë ndaj kritikave konstruktive dhe mosgatishmërinë e saj për t'u angazhuar në dialog, veçanërisht me organizatat aktive në komunitetet joshumicë në Kosovë, duke pasur parasysh se kryeministri Albin Kurti shpeshherë me krenari thekson se shkalla e lartë e demokracisë është ndër të arriturat më të mëdha të Kosovës në historinë e saj moderne, me këtë ne e ftojmë atë që të shkëputet publikisht nga sulmet diskriminuese dhe false që na dërguan zëvendëskryeministri Besnik Bislimi dhe zëvendësministri i vetëqeverisjes lokale Arbër Vokrri, si dhe anëtarë të Lëvizjes Vetëvendosje”, thuhet në letrën e publikuar në rrjetin social “X”.

Nënshkruesit janë organizatat e shoqërisë civile: Iniciativa e Re Shoqrore, OJQ Aktiv, Instituti për Zhvillim Ekonomik Territorial dhe Koordinatori i Konventës Kombëtare për Kapitullin 35 Dragisha Mijaçiq.