Petkoviq për Bislimin: Prishtina ka dy muaj që po pengon zbatimin e Udhërrëfyesit për energjinë

Drejtori i Zyrës për Kosovë dhe Metohi, Petar Petkoviq, i ka thënë kryenegociatorit të Kosovës në dialogun ndërmjet Beogradit dhe Prishtinës, Besnik Bislimi, që të paraqesë fakte, e jo gënjeshtra, se Prishtina ka penguar zbatimin e Udhërrëfyesit për energjinë për dy muaj.

Petkoviq i është përgjigjur postimit të Bislimit në rrjetin social “X”, dikur Tviter, në të cilin zëvendëskryeministri i Kosovës shkruante se zbatimi i Udhërrëfyesit për energjinë është urgjent, se Kosova në vazhdimësi ka luajtur një rol konstruktiv dhe ka zbatuar të gjitha obligimet dhe të presin dhe kërkojnë të njëjtën gjë nga pala tjetër.

"Faktet, jo gënjeshtra Besnik Bislimi. Prishtina ka penguar implementimin e Udhërrëfyesit për energjinë që nga tetori. Në mars Beogradi kërkoi që çështja të zgjidhet dhe pastaj në prill erdhëm në Bruksel me të gjithë ekspertët dhe Bislimi erdhi i vetëm. Ka dy muaj që presim përgjigjen e Prishtinës, është e qartë se kush e saboton marrëveshjen”, ka theksuar Petkoviq.