Petkoviq: Kurti personalisht ka futur birin dhe vëllanë e Vuçiqit në listën e arrestimit, presidenti i Serbisë nuk e prek familjen e askujt

Drejtori i Zyrës për Kosovë dhe Metohi, Petar Petkoviq, ka thënë se kryeministri i Kosovës, Albin Kurti, ka përpiluar personalisht listën për arrestimin e familjes së presidentit të Serbisë, Aleksandar Vuçiq dhe serbëve nga Kosova, ndërsa, siç shtoi ai, Vuçiq nuk e ka prekur asnjëherë familjen e askujt.

“Lista për arrestimin e serbëve më të dukshëm dhe anëtarëve të familjes së ngushtë të Presidentit të Serbisë, Aleksandar Vuçiq, të cilin e ka publikuar Armend Mujë, zyrtar i lartë i Vetëvendosjes, e ka përpiluar personalisht Albin Kurti dhe këtë e dinë mirë të gjithë në Prishtinë dhe në bashkësinë ndërkombëtare, siç e di edhe Vuçiqi. Kur dikush harton një listë për të arrestuar serbët vetëm pse kanë emër dhe mbiemër serb, kur në atë listë janë vëllai dhe biri i presidentit Vuçiq, është e qartë se me kë kemi të bëjmë punë, dhe vetë Vuçiq e di shumë mirë këtë”, tha Petkoviq.

Ai ka theksuar se presidenti i Serbisë nuk prek familjen e askujt dhe se do të dijë t'i mbrojë serbët nga Kosova.

“Për dallim nga Kurti që ka dashur të arrestojë gjithë familjen Vuçiq, presidenti ynë nuk dëshiron të merret me familjen e Albin Kurtit dhe as të prekë familjen e askujt, sepse familja është e shenjtë, nuk duhet të prekur atë dhe këtë duhet ta mësojë edhe Albin Kurti. Por prandaj nga ana tjetër, Vuçiq do ta dijë dhe do të mund ta mbrojë popullin serb në Kosovë dhe Metohi”, tha Petkoviq.

Ai ka theksuar se me listën e publikuar, Kurti kërcënon sigurinë e anëtarëve të familjes Vuçiq.

“Lista që u shfaq po vizaton një shënjestrën në lule të ballit e Andrej dhe Danillo Vuçiq. Ky është një kërcënim i drejtpërdrejtë për sigurinë e anëtarëve të familjes së presidentit Vuçiq. Pse po e bëjnë këtë në Prishtinë dhe çfarë fshihet pas saj? Lista është treguesi më i mirë se sa të justifikuara janë frikërat e serbëve në Kosovë e Metohi dhe kërkesat e tyre kur kërkojnë tërheqjen e të gjitha listave të arrestimit, sepse ato ekzistojnë. Ndryshe nga ajo që mund të lexonim në njoftimin e paaftë dhe të heshtur nga Xelal Sveçla se lista të tilla nuk ekzistojnë. Pra, çfarë është kjo që u shfaq dje, në bazë të së cilës e arrestuan Milan Axhiqin? Epo, bazuar në ato lista”, ka thënë Petkoviq.

Ai shtoi se serbët në barrikada po mbrojnë jetën e tyre dhe shtoi se kërkesat e tyre janë të justifikuara.

“Unë do t'ju tregoj ftesën për seancën e dërguar Goran Rakiqit në qershor të këtij viti, vetëm pse ai ishte në atë listë ku janë shumë serbë të tjerë, vetëm pse ishin në barrikada. Prandaj, ato lista po ekzistojnë dhe prandaj serbët janë në barrikadat, sepse po e mbrojnë jetën e tyre. Natyrisht, krahas asaj kërkese, ka edhe kërkesa të tjera që kanë të bëjnë me lirimin e të arrestuarve, por edhe që Policia e Kosovës me armë tytëgjata dhe autoblinda të tërhiqet nga veriu i Kosovës dhe se KFOR-i garanton se nuk do të kthehen në veriu, sepse ata nuk kanë çfarë të kërkojnë atje”, ka përfunduar Petkoviq.