Stojkovski: Jo çdokush mund të jetë sekretar i përgjithshëm i OSBE-së, konsensusi për zyrtarët është një sukses

Drejtori ekzekutiv i "Institutit Prespa," Andreja Stojkovski, tha për Kosovo online se me emërimin e zyrtarëve të rinj, OSBE-ja vazhdon të funksionojë dhe se ndoshta duhet të ketë kënaqësi për drejtimin e ri, pasi diplomacia turke konsiderohet jashtëzakonisht e përgatitur dhe profesionale, çka mund të thuhet në masë të madhe edhe për diplomacinë greke.

Për sekretar të përgjithshëm të OSBE-së, Këshilli i Ministrave të Jashtëm javën e kaluar emëroi Feridun Sinirlioglu nga Turqia, ndërsa greken Maria Telalian si drejtuese të Zyrës për Institucione Demokratike dhe të Drejtat e Njeriut (ODIHR). Stojkovski thekson se është një sukses i vërtetë që vendet anëtare të kësaj organizate më në fund arritën të bien dakord për zyrtarët kryesorë të organizatës.

Siç shprehet ai, jo çdokush mund të jetë sekretar i përgjithshëm i OSBE dhe kur flitet për procesin e zgjedhjes së tij, duhet të jetë i vetëdijshëm se kjo organizatë ka 57 vende pjesëmarrëse.

Sipas tij, ndoshta nuk duhet pritur shumë nga Osbe kur bëhet fjalë për rajonin e Ballkanit Perëndimor.

“Osbe është shumë më i rëndësishëm për vendet e Kaukazit apo Azisë Qendrore sesa për rajonin tonë të Ballkanit Perëndimor. Edhe pse nuk duhet harruar se misioni i parë në terren që është ende në funksion është bërë në Maqedoninë e Veriut. Në Sarajevë ka ende një mision funksional që vazhdon të funksionojë me shumë punë. Por nëse dikur shumë nga temat për të cilat kujdeseshin OSBE apo parimet e respektuara brenda shteteve pjesëmarrëse ishin problem në Lindje, sot ato ndoshta mund të paraqesin fushë për punë edhe në Perëndim”, thekson Stojkovski.