Vuçiq me Zelenskin për rrugën drejt BE-së të Serbisë dhe Ukrainës dhe vizitat më të shpeshta dypalëshe

Presidenti i Serbisë, Aleksandar Vuçiq, ka biseduar sot në telefon me presidentin e Ukrainës, Volodimir Zelenskin.

“Bisedë thelbësore dhe e mirë me presidentin e Ukrainës Volodimir Zelenski për të gjitha çështjet e rëndësishme të bashkëpunimit dypalësh”, ka shkruar Vuçiq në Instagram.

Ai ka shtuar se Serbia ka rihapur kohët e fundit ambasadën e saj në Kiev, me shpresën se puna e saj do të kontribuojë më tej për marrëdhënie më të mira.

“Kemi shqyrtuar rrugën evropiane të vendeve tona, si dhe mundësinë e vizitave më të shpeshta dypalëshe në të ardhmen”, ka shkruar Vuçiq.