Vujoviq: Moszgjedhja e noterëve serbë është një formë e diskriminimit institucional

Oliver Vujovic nga Forumi për Zhvillim dhe Bashkëpunim Mullti-Etnik (FDMC) nga Graçanica thotë se së paku 10 për qind e noterëve të zgjedhur në Kosovë duhet të jenë nga komunitetet pakicë dhe se moszgjedhja e noterëve publikë serbë paraqet diskriminim institucional.

“Është një formë e diskriminimit institucional, jo vetëm në këtë aspekt, por edhe në shumë gjëra të tjera. Asnjë arsyetim nuk është arsye e mjaftueshme që nuk ka asnjë noter që duhet të punojë normalisht me komunitetin serb. Dhe jo vetëm me serbët, por me të gjitha komunitetet tjera pakicë. Propozimi im është që të rishikohet ai vendim dhe që sipas ligjit dhe kushtetutës së paku 10 për qind e noterëve të jenë nga komunitetet pakicë dhe këtë nuk e kemi në këtë rast”, thotë Vujoviq.

Ai thekson se moszgjedhja e noterëve serbë është në thelb një problem me të cilin serbët, për fat të keq, do të duhet të mësohen.

“Mund të jetë një problem në një moment, njerëzit do të protestojnë, por si çdo gjë tjetër, nëse vazhdon, diku do të harrohet dhe do të vazhdojë me ritmin e vet. Do të mbetemi pa noter dhe kaq”, thotë bashkëbiseduesi ynë.

Ai vlerëson se duhet të ketë vullnet politik për çdo ndryshim.

“Pa atë vullnet politik, sado që sektori civil dhe të gjithë të interesuarit të protestojnë dhe kundershtojnë, pa vullnet politik mendoj se do të mbetet ashtu siç është”, përfundon ai.