Vukoviq: E drejta e përdorimit të gjuhës nuk respektohet sa duhet, përgjegjësia është e Qeverisë së Kosovës

Ligjëruesja e gjuhës serbe Sanja Vukoviq theksoi se e drejta e përdorimit të gjuhës në Kosovë nuk respektohet sa duhet dhe se institucionet janë të parat që nuk e zbatojnë Ligjin dhe se përgjegjësia është kryesisht e Qeverisë së Kosovës.

Vukoviq tha se situata në lidhje me të drejtën e përdorimit të gjuhës në institucionet e Kosovës ndryshon varësisht nëse ka serb të punësuar në ato institucione.

“Institucionet në Kosovë prej shumë vitesh nuk e respektojnë ligjin për përdorimin e gjuhëve. Varësisht nga institucioni situata ndryshon. Aty ku ka njerëz në ministri apo institucione të tjera që gjuha amtare është serbe, situata është pak më mirë, aty ku nuk ka serbë nuk ka as respektim të ligjit dhe as të drejtën e përdorimit të gjuhës”, tha Vukoviq.

Siç shtoi ajo, Ligji për Përdorimin e Gjuhëve po respektohet gjithnjë e më pak, dhe përgjegjësinë për një situatë të tillë, vlerëson ajo, e ka Qeveria e Kosovës.

“Situata sa vjen e përkeqësohet, në vitet e mëparshme mund të flitej për respektimin e së drejtës së përdorimit të gjuhës, por në vitet e fundit situata është përkeqësuar ndjeshëm dhe nuk mund të themi asgjë tjetër përveç përgjegjësisë që i takon Qeverisë së Kosovës, e cila ka sjellë deri kjo”, ka përfunduar Vukoviq.