Drecun: Vështirë që Kurti të arrijë të njëjtin rezultat apo dhe më të mirë sesa ai në zgjedhjet e kaluara

Kryetari i Komisionit Parlamentar për Siguri Millovan Drecun vlerësoi sot se vështirë se mund të pritet që lideri i Vetvendosjes Albin Kurti në zgjedhjet e jashtëzakonshme parlamentare në Kosovë të arrijë të njëjtin rezultat apo më mirë se kaq sesa ai i kaluar. 

Drecun për Tanjug tha se shpallja e zgjedhjeve të reja erdhi si rezultat i mosgatishmërisë së Vetvendosjes së Kurtit dhe opozitës për të bërë kompromis.

“Kurti mund të bënte kompromis, të pranonte Vjosa Osmanin apo dikë tjetër dhe të zgjidhte presidentin e të ashtuquajturës Kosovë, por nga ana tjetër opozita nuk donte që t’i lejonte fuqi të pakufizuar politike për të kontrolluar dhe parlamentin dhe të ashtuquajtur qeveri dhe të kishte vendin e presidentit, sesa të donte që gjithçka t’a balanconte” tha Drecun, transmeton RTV. 

Ky i fundit beson se vëzhgimi i saktë është se Kurti nuk dëshironte që Vjosa Osmani të ishte presidente sepse ajo do t’a margjinalizonte në Uashington.

"Dhe është vëzhgim i saktë tek Kurti se me gjasa shkaktoi rezistencë atë çka Osmani i’u bë Shteteve të Bashkuara të Amerikës dhe administratës Tramp si një bashkëpunëtore e besueshme, se besonte atë në një farë mënyre e margjinalizon në atë nivel ndërkombëtar kur bëhet fjalë për amerikanët", tha Drecun.

Megjithatë, thotë se sjellja e Kurtit është plotësisht e kuptueshme për të, sepse ishte fituesi i padiskutueshëm në zgjedhjet e fundit dhe donte të kishte pushtet të plotë.

"Duhet të bësh kompromise për të marrë atë shumicë prej 2/3. Kjo është mënyrë për të kufizuar ligjërisht pushtetin absolut të dikujt, pra për të mos e lejuar atë. Por Kurti nuk ishte i gatshëm të bënte kompromis dhe mesa duket vlerësoi se për të është më mirë të shkojë në zgjedhje sesa të pranojë të ndajë pushtetin", tha ai. 

Drecun tha se Kurti mori një numër të madh votash nga shqiptarët që jetojnë dhe punojnë jashtë vendit dhe që në zgjedhjet e kaluara që u mbajtën në kohë festash, ishin në shtëpi dhe tha se tashmë shtrohet pyetja se sa prej tyre do të dalin të votojnë me postë në qershor apo eventualisht do të jenë në Kosovë.

"Duket se Kurti me të vërtetë tashmë korr atë që mbolli në atë diasporë. Ishte mjaft aktiv. Dhe ajo pjesë e elektoratit shqiptar i kushton shumë më pak vëmendje problemeve të jetës së përditshme të njerëzve në Kosovë dhe Metohi-mungesës së vendeve të punës, standarti i ulët i jetesës, korrupsionit dhe krimit. Për të më shumë se e rëndësishme është retorika shqiptaromadhe dhe antisërbe e Kurtit", tha Drecun.

Sipas fjalëve të tij, Kurti e drejton pikërisht këtë "vëmendje" ndaj sërbëve drejt urrejtjes dhe terrorit për diasporën, e cila është shumë e ndjeshme ndaj këtyre temave në kuptimin pozitiv.

Duke komentuar dënimet, burgim të përjetshëm dhe 30 vite për tre sërbët për rastin Banjska, Drecun tha se është i saktë vlerësimi i Zyrës për K&M në të cilin pretendojnë se bëhet fjalë për hakmarrje ndaj sërbëve që guxuan të kundërshtojnë terrorin ndaj tyre dhe familjeve të tyre.

"Këto janë dënime të pabesueshme. Shikoni sa organizata terroriste ka në mbarë botën, sa anëtarë të tyre të Shtetit Islamik erdhën nën maskën e emigrantëve dhe çfarë po bëjnë ata... Pra, ku janë këto dënime drakonike dhe këtu është e rëndësishme të frikësohen sërbët në maksimum. Çfarëdo lloj rezistencë ndaj terrorit që kryhet kundër tyre, dijeni se do të merrni një dënim drakonik", tha ai.