Gudzhiq: Prishtina ka vite që është kampione e prishjes së marrëveshjeve ndërkombëtare

Historiani nga Graçanica, Aleksandar Gudzhiq, ka vlerësuar se Prishtina viteve të fundit ka qenë “kampion i shkeljes së marrëveshjeve ndërkombëtare”, si dhe i të drejtave elementare të serbëve në Kosovë.

“Përvoja ka treguar se të gjitha marrëveshjet e nënshkruara ndërmjet Beogradit dhe Prishtinës përfunduan si një germ e vdekur në letër. Asnjëra palë nuk ka treguar gatishmëri për të respektuar ato marrëveshje. Prishtina ndër vite është dëshmuar se është kampione e shkeljes së marrëveshjeve ndërkombëtare dhe mospërmbushjes së obligimeve. Kush i kujton sot ato obligime që Prishtina i kishte marrë më herët me traktatet dhe marrëveshjet e Brukselit?” thotë Gudzhiq për Kosovo online.

Ai shton se formimi i Asociacionit të Komunave Serbe nuk përmendet më në mediat shqiptare dhe se për elitat politike në Prishtinë është në rangun e një organizate joqeveritare pa asnjë të drejtë apo kompetencë.

“Detyrimet dhe marrëveshjet që ka marrë mbi vete pala maxhorancë, pala shqiptare, nuk janë përmbushur. Dhe serbët janë dëshmitarë të shkeljes së të drejtave të tyre në çdo hap, që nga përdorimi i gjuhës, diskriminimi pozitiv dhe detyrimi i shumicës për të punësuar një përqindje të caktuar të Serbëve. Pra nuk respektohet fare. Dhe për këtë arsye, serbët nuk besojnë në asnjë marrëveshje dhe obligim që do të merrte Prishtina”, thekson Gudzhiq.

Duke komentuar rezultatet e hulumtimit të UNDP-së dhe përqindjen e vogël të serbëve që besojnë se marrëveshja për normalizimin e marrëdhënieve mund t'u mundësojë atyre një jetë më normale, Gudzhiq thotë se arsyet duhen kërkuar në retorikën nxitëse të kryeministrit Albin Kurti.

“Ajo retorikë ndezëse e Albin Kurtit prodhon incidente në terren dhe herë pas here ka incidente ndër-etike. Mediat shfrytëzojnë rastin për ta pasqyruar dhe kjo sjell pasiguri dhe shqetësim te serbët. Vitin e kaluar kur pati një konflikt mes serbëve dhe policisë së Kosovës në Mitrovicë, mediat shqiptare raportuan për të dhe menjëherë reflektuan për marrëdhëniet mes serbëve dhe shqiptarëve. Menjëherë ka pasur provokime të shpeshta”, shpjegon Gudzhiq.

Ai thotë se ai vetë ka qenë shënjestër vetëm për shkak se ka vozitur veturën me targa serbe, por paralajmëron se provokimet ndodhin edhe pa arsye të qartë.

“Kjo sjell siklet dhe serbët ndihen të pasigurt. Nëse dëshironi, serbët kanë jetuar për 20 vjet me dijeninë se pogromi i marsit mund të përsëritet dhe se ata mund të përjetojnë të njëjtin fat siç përjetuan në vitin 2004”, shpjegon Gudzhiq.