Lista Serbe me Llakron: Paqja mund të kërcënohet nga hyrja me forcë në ndërtesat e komunave serbe

Përfaqësues të Listës Serbe sot, në një takim me nënsekretarin e OKB-së për operacionet paqeruajtëse, Xhan-Pjer Llakro, me kryetaren e UNMIK-ut Karollina Zijade dhe shefin e zyrës rajonale të UNMIK-ut në Mitrovicë, Danillo Rozalles Dijaz, theksuan represionin e regjimit të Albin Kurtit kundër serbëve, veçanërisht në veri të Kosovës.

Zyrtarët e OKB-së, siç thuhet në njoftimin e Listës Serbe, u tërhoqën rreziku real që lëvizjet e njëanshme të Prishtinës dhe hyrja e dhunshme në ndërtesat e komunave serbe në veri të Kosovës do të kërcënojnë paqen në këto zona.

“Veçanërisht u theksua se populli ynë është i vendosur për paqe, se dialogu është mënyra e vetme për zgjidhjen e të gjitha çështjeve të hapura dhe se përgjegjësia e bashkësisë ndërkombëtare është ta ruajë atë paqe dhe të parandalojë lëvizjet e njëanshme të Prishtinës, por që jemi të vendosur që me bashkatdhetarët ta mbrojmë të drejtën për të mbijetuar dhe për të mbetur në vatrat tona”, theksohet në deklaratën e Listës Serbe.