Petkoviq: Kurti po përgatit terrenin për një terror të ri kundër serbëve me një fushat brutale gënjeshtrash dhe dezinformatash

Drejtori i Zyrës për Kosovë dhe Metohi, Petar Petkoviq, tha se kryeministri i Kosovës Albin Kurti sot “me një fushatë brutale të gënjeshtrave dhe dezinformatave filloi të përgatisë terrenin për terror dhe persekutim të ri të popullit serb në veri të Kosovës dhe Metohisë”.

“Tani është e qartë se ai do të vazhdojë të përdorë teori konspirative të paqëndrueshme dhe kërcënime të fabrikuara në mënyrë që të intensifikojë më tej represionin ndaj serbëve në periudhën e ardhshme”, tha Petkoviq në një deklaratë për shtyp.

Petkoviq shtoi se pushtuesit gjithmonë janë përpjekur të paraqiten si mbrojtës të robëruarve.

“Sidoqoftë, taktika e Kurtit për ‘po të pushtoj për të mirën tënde’ nuk do t'i shkojë mirë popullit serb në Kosovë dhe Metohi, i cili i ka parë qëllimet e Prishtinës shumë kohë më parë dhe çdo ditë i ndjen pasojat e terrorit të Kurtit në lëkurën e vet. Burimi i vetëm i të gjitha problemeve në Kosovë dhe Metohi janë Kurti dhe parapolicia e tij kriminale që mbjell terror dhe frikë në popullin paqësor serb në veri të krahinës”, tha Petkoviq.

Sipas tij, mënyra e vetme për të ndërtuar paqen dhe për të ulur tensionet është përmes deeskalimit të nevojshëm që Prishtina duhet ta zbatojë.

“Samë parë tërhiqni falangat policore nga veriu i krahinës, ndaloni arrestimet e përditshme të serbëve të pafajshëm dhe çdo shtypje tjetër. Kurti nuk do të pajtohet me dëshirë për asnjë tërheqje, sepse qëllimi i tij nuk është as dialogu, as normalizimi, por ndryshimi thelbësor i situata në terren përmes pastrimit perfid etnik nën maskën e shqetësimit për sigurinë në veri të Kosovës dhe Metohisë. Prandaj është e nevojshme që akterët ndërkombëtarë me ndikim në Kosovë dhe Metohi ta shohin realitetin në sy dhe ta ndalojnë projektin e Kurtit", përfundoi Petkoviq.