Petkoviq me Konrad: Prishtina i shfrytëzon ngjarjet tragjike në Banjskë për terror dhe konfrontim me serbët

Drejtori i Zyrës për Kosovë dhe Metohi, Petar Petkoviq, ka biseduar sot me ambasadoren gjermane në Serbi, Anke Konrad, për situatën në Kosovë dhe Metohi dhe ka theksuar përkushtimin e vendosur dhe parimor të Beogradit për zgjidhjen paqësore të gjitha çështjeve dhe problemeve të hapura brenda dialogun për normalizimin e marrëdhënieve me Prishtinën.

“Petkoviq posaçërisht nënvizoi të gjitha hapat që ka ndërmarrë Beogradi me qëllim të normalizimit të situatës në veri të KdheM, duke theksuar se Prishtina nuk ka marrë masat e nevojshme që do të çonin në qetësimin e tensioneve dhe deeskalim por përkundrazi, çdo ditë po ndërmerr lëvizje shtesë përshkallëzuese me qëllim të shkaktimit të krizave dhe tensioneve të reja dhe spastrim etnik të popullit tonë”, thuhet në deklaratën e Zyrës për KdheM. 

Petkoviq theksoi ftesën e Beogradit, por edhe gatishmërinë e Listës Serbe për të marrë pjesë në zgjedhjet lokale në veri të KdheM, duke i përcjellë bashkëbisedueses se Prishtina e udhëhequr nga Albin Kurti po e pengon dhe saboton atë proces me kushte dhe pengesa administrative të ndryshme sepse në fakt nuk dëshiron t'i zhvillojë zgjedhjet.

Drejtori i Zyrës për Kosovë dhe Metohi ka treguar se Prishtina po i shfrytëzon ngjarjet tragjike të 24. shtatorit në Banjskë për terror dhe konfrontim shtesë me popullin serb, që rezulton me shpërnguljen e popullatës serbe nga vatrat e tyre shekullore.

Petkoviqi numëroi shembujt kryesorë të gjendjes së vështirë të serbëve në krahinë, arrestimeve dhe keqtrajtimit të tyre të përditshëm, veçanërisht duke tërhequr vëmendjen për faktin se Azem Kurtaj, i cili qëlloi djemtë serbë Stefan dhe Millosh Stojanoviq nga Gotovusha më 6. janar të këtij viti, iu hjek arrest shtëpiak dhe se i lejohet të mbrohet nga liria.

“Kjo tregon qartë se nuk ka të drejta dhe drejtësi për serbët në Kosovë dhe as nuk mund të ketë nën regjimin e Albin Kurtit”, tha Petkoviq.

Duke folur për problemet e kërcënuara të sigurisë dhe politikës me të cilat ballafaqohet populli serb në Kosovë dhe Metohi, Petkoviq posaçërisht theksoi “prezencën e të ashtuquajturës policis të Kosovës në veri të Kosovës, e cila çdo ditë terrorizon dhe frikëson serbët, gjë që çon në tensione të reja dhe krizat”.

Drejtori i Zyrës për KdheM theksoi se Beogradi mbetet sinqerisht i interesuar për t'u ulur sa më parë në tryezën e bisedimeve dhe për të arritur një zgjidhje kompromisi në dialogun ndërmjet Beogradit dhe Prishtinës, e cila do të krijonte kushtet për stabilitet të përhershëm dhe paqe në rajon.

Që kjo të ndodhë, është e nevojshme, sipas Petkoviqit, që Prishtina urgjentisht të deeskalojë situatën në terren dhe të mundësojë formimin e Asociacionit të Komunave Serbe, gjë që Albin Kurti e refuzon kategorikisht, para akterëve ndërkombëtarë, thuhet në deklaratë.