Petkoviq: Me lirimin e Kurtajt është zyrtarizuar politika e Kurtajt për gjuetinë e serbëve

Drejtori i Zyrës për Kosovë dhe Metohi në Qeverinë e Serbisë, Petar Petkoviq, ka reaguar ndaj vendimit të gjykatës në Ferizaj se Azem Kurtaj, i cili më 6. janar të këtij viti ka plagosur një djalë serb dhe një të ri, Stefan dhe Millosh Stojanoviq nga Gotovusha, i hiqet arresti shtëpiak dhe i lejohet të mbrohet nga liria, dhe theksoi se është e qartë se askush nuk do të mbajë përgjegjësi për derdhjen e gjakut të fëmijëve serbë.

“Pjesëtari i të ashtuquajturit FSK, Azem Kurtaj, i cili qëlloi brutalisht dhe gjakftohtësisht fëmijët serbë Milosh (21) dhe Stefan (11) në ditën e Krishtlindjes në Gotovushë, është liruar për t'u mbrojtur nga liria dhe Prishtina po mendon të anulojë aktakuzë! Natyrisht që për gjakun e derdhur të fëmijëve serbë askush nuk do të përgjigjet”, ka thënë Petkoviq në rrjetin social “X”.

Ai pyeti veten nëse jeta e fëmijëve serbë në Kosovë ka vlerë dhe theksoi se kryeministri i Kosovës Albin Kurti i inkurajoi të gjithë ekstremistët që të bëjnë të njëjtën gjë me këtë vendim.

“Derisa serbët e pafajshëm po vuajnë në kazamatet e Kurtit, ata që mbajnë gjak serb në duart e tyre janë në liri”, vëren Petkoviq.

Ai beson se serbët në Kosovë nuk mund të shpresojnë në ndonjë drejtësi, ndërsa politika e Kurtit për “gjuetinë e serbëve” vazhdon.

“Me vendimin budallallëk të ashtuquajturës gjykatë në Ferizaj u zyrtarizua politika e Kurtit për gjuetinë e serbëve dhe edhe një herë u tha se serbët në Kosovë dhe Metohi nuk mund të shpresojnë në asnjë drejtësi. Çfarë ka më pas, t'i jepet një mirnjohje ekstremistit Kurtaj apo të ngrihet një përmendore”, pyeti drejtori i Zyrës për KdheM.