Petkoviq: Synimi i Prishtinës për të shmangur formimin e BKS-së duke u fshehur pas Gjykatës Kushtetuese nuk do të kalojë

Drejtori i Zyrës për Kosovë e Metohi, Petar Petkoviq, tha se është kristal e qartë se taktika e Prishtinës është të mashtrojë sërish Brukselin dhe të shmangë formimin e Bashkësisë së Komunave Serbe në përputhje me katër marrëveshjet e nënshkruara.

Në këtë mënyrë Petkoviq ka reaguar ndaj deklaratës së Ministrit të Kulturës, Rinisë dhe Sportit të Kosovës, Hajrullah Çeku, i cili tha se “është e mundur të formohet Bashkësia e Komunave Serbe, që kërkohet në Aneksin e zbatimit të marrëveshjes me Serbinë, por që do të shkojë menjëherë në Gjykatën Kushtetuese për shqyrtim, ku do të dështojë sërish”.

“Tani i ashtuquajturi ministër i Kurtit e konfirmoi dhe ua tregoi të gjithëve se kush po i shkel marrëveshjet”, tha Petkoviq, duke pritur reagimin e Miroslav Lajçakut, i Dërguari i Posaçëm të BE-së për dialogun ndërmjet Beogradit dhe Prishtinës.

Më tej Petkoviq shton se “qëllimi i Prishtinës për t'u fshehur pas Gjykatës Kushtetuese nuk do të kalojë”.

"Prishtina nuk ka ndërmend të lejojë BKS-në dhe fshihet pas të ashtuquajturit Gjykatës Kushtetuese. Kjo nuk do të kalojë”, thotë Petkoviq.