Sadiku: Nuk ishim të informuar për ndërtimin e urave në veri, nuk pati dialog midis komunave

Nënkryetari i Kuvendit Komunal të Mitrovicës së Veriut, Skender Sadiku, tha se ai dhe kolegët e tij nuk ishin të informuar paraprakisht për ndërtimin e urave në veri të qytetit, raporton Demokracia.

Sadiku theksoi se nuk janë kundër ndërtimit të urave, por theksoi se për ta, urat më të mëdha janë prioritet. Ai gjithashtu kritikoi mungesën e komunikimit dhe konsultimit midis komunave për këtë temë.

"Jo, nuk ishim të informuar, nuk pati bisedë. Çështja e urave duhej të ishte zgjidhur midis dy komunave, nuk pati debat, nuk pati më dialog", tha ai.

Sadiku deklaroi se ndërtimi i urave në veri nuk ishte domosdoshmëri për komunat e Mitrovicës së Veriut dhe të Jugut dhe shtoi se kishte prioritete të tjera. Sipas tij, përpjekjet dhe energjia institucionale duhej të ishin drejtuar drejt çështjeve me rëndësi më të madhe për qytetarët.

"Jo, absolutisht jo. E gjithë energjia duhej të ishte drejtuar drejt vlerës universale. Urat e reja nuk garantojnë që ura kryesore që ka qenë simbol i përçarjes për vite me radhë do të hapet", tha Sadiku.