Udhëheqësit e LS ia treguan ambasadorit britanik sfidat me të cilat përballen serbët në Kosovë

Udhëheqësit e Listës Serbe sot në Mitrovicën e Veriut e kanë njoftuar ambasadorin britanik Jonathan Hargreaves për pozitën e vështirë të popullit serb dhe për sfidat me të cilat përballen serbët në Kosovë dhe Metohi, ka njoftuar Lista Serbe.

Në një postim në rrjetin social Facebook, Lista Serbe ka theksuar:

“Kryetari i Listës Serbe, prof. dr. Zlatan Elek, dhe anëtari i kryesisë Igor Simiq, sot pritën ambasadorin e Britanisë së Madhe Jonathan Hargreaves në selinë e partisë në Mitrovicën e Veriut dhe me këtë rast e njoftuan për pozitën e vështirë të popullit serb dhe sfidat me të cilat përballet populli ynë në Kosovë dhe Metohi, si dhe për nevojën që të respektohen marrëveshjet e arritura në Bruksel dhe të drejtat e popullit serb që prej shekujsh jeton në këto hapësira”, thuhet në tekstin e shoqëruar me video-incizim.