Vuçiq: Ushtria serbe është forca jonë, jemi të gatshëm ta mbrojmë paqen dhe ta shpëtojmë vendin

Presidenti i Republikës së Serbisë, Aleksandar Vuçiq, mori pjesë sot në demonstrimin e kapaciteteve të Forcave të Armatosura Serbe “Granit 2023” në aeroportin ushtarak “Pukovnik-pilot Milenko Pavlović” në Batajnicë, dhe theksoi se ushtria serbe është më e fortë dhe më e pajisur se kurrë dhe se vendi është mjaft i fortë për të siguruar paqen dhe përparimin e mëtejshëm.

Ai ka shkruar në Instagram se sot në Batajnicë është bërë prezantimi më i madh i kapaciteteve të Forcave të Armatosura të Serbisë deri më tani.

“Uroj Ministrinë e Mbrojtjes dhe Forcat e Armatosura të Serbisë për shfaqjen më të madhe dhe më të bukur të deritanishme të aftësive të Forcave të Armatosura të Serbisë. Jam krenar për ushtarët tanë, për ushtrinë tonë, e cila është më e fortë dhe më e pajisur se ndonjëherë, por edhe të gjithë qytetarëve tanë që me punën e tyre kanë çuar në rezultate të tilla. Ne jemi mjaft të fortë sot për ta ruajtur vendin tonë, për ta mbrojtur paqen dhe për ta siguruar përparim të mëtejshëm”, ka shkruar Vuçiq.