Pashaliq: Ajo që Prishtina po u bën serbëve të arrestuar është defenicioni i tortures

Mbrojtësi i qytetarëve, Zoran Pashaliq, theksoi se, sipas informacioneve të marra nga disa burime, serbët e arrestuar në Kosovë i nënshtrohen torturës siç përcaktohet në nenin 1 të Konventës Evropiane kundër Torturës, Trajtimit dhe Ndëshkimit Mizor, Çnjerëzor dhe Poshtërues, raportojn Novosti.

Pashaliq theksoi se tortura është e ndaluar që nga viti 1948 sipas Deklaratës Universale të Drejtave të Njeriut. 

“Sipas informacioneve që kemi marrë nga disa burime, nga zyrtari ndërlidhës në mes Beogradit dhe Prishtinës, Zyra për Kosovë dhe Metohi, nga qytetarët që kanë qenë dëshmitarë të arrestimeve dhe torturave pas arrestimit, nga familjarët e personave të arrestuar dhe nga mediat, mbi personat që janë arrestuar në krahinën jugore dhe mbi ata që po protestojnë, tortura kryhet sipas përcaktimit të nenit 1 të Konventës Evropiane kundër Torturës, Trajtimit dhe Ndëshkimit Mizor, Çnjerëzor dhe Degradues, ku thuhet shkaktimi i dhimbje, fizike dhe mendore, d.m.th vuajtje psikologjike”, ka thënë Pashaliq. 

Kur është fjala për arrestimet e serbëve në Kosovë, Avokati i Popullit iu drejtua institucioneve ndërkombëtare që merren me mbrojtjen e të drejtave të njeriut. 

"Ne i shkruam SPT-së dhe GJEDNJ-së, të cilat janë nënkomitet e Kombeve të Bashkuara për të luftuar torturën, si dhe të njëjtit organ në nivel evropian. Ne presim që ata të bëjnë pjesën e tyre dhe ne do t'u drejtohemi atyre derisa ta bëjnë. Ne morëm një përgjigje nga Komitetit Ndërkombëtar i Kryqit të Kuq se është një marrëdhënie dypalëshe mes tyre dhe qeverisë së institucioneve të përkohshme në KdheM, SPT u përgjigj se do ta informojnë anëtarët, nuk jemi të kënaqur me përgjigjet, ne duam veprime konkrete. Sot do t'u drejtohemi individualisht organeve të tjera që merren me mbrojtjen e të drejtave të njeriut, u kemi shkruar edhe shoqatave të ombudspersonit në nivel global dhe evropian. 

Ai me këtë rast ka theksuar se pret veprime konkrete nga këto organe sepse, siç thotë ai, ky është obligim i tyre. 

“Ato institucione kanë ardhur shumë shpesh te ne për inspektim, ne kemi qenë nikoqir i tyre, edhe pse kanë vizituar të gjitha institucionet, policinë, ku ka persona të privuar nga liria, kështu që pres që në këtë rast të bëjnë punën e tyre. Ne duam veprime konkrete nga organet që merren me mbrojtjen kundër torturës dhe nuk shoh arsye pse ata të mos bëjnë atë që janë të detyruar të bëjnë, në lidhje me atë nëse serbët e arrestuar dhe qytetarët e kombësisë joshqiptare janë torturuar gjatë arrestimit dhe më vonë. ”, thekson ai. 

Pashaliq shton se nuk ka pritur heshtje nga bashkësia ndërkombëtare dhe se kjo është arsyeja e drejtimit të tij të mëtejshëm. 

“Tortura është e ndaluar në çdo situatë”. Dhe kur është fjala për një gjendje të jashtëzakonshme që nuk është shpallur, as kur është një gjendje e paraluftës dhe luftës, e cila nuk ekziston. Tortura nuk duhet të kryhet, jo vetëm nga forcat e rendit, në radhë të parë policia, por edhe nga të gjithë të tjerët. “Ne kemi disa veprime të tjera që cenojnë konventën, përkatësisht arrestimet arbitrare dhe ndalimi i tubimeve”, thotë ai. 

Siç thotë ai, së bashku me oficerin ndërlidhës të Beogradit në Prishtinë, ai do të kërkojë që t'i lejohet të vizitojë serbët e arrestuar për të parë se si është gjendja e tyre shëndetësore dhe çfarë trajtimi kanë.