Vuçiq për CNN: Serbia është e fundit që ka nevojë për incidente, ne nuk duam luftë me NATO

Serbia është e fundit që ka nevojë për incidente, sepse gjithmonë ka qenë dhe do të jetë partner konstruktiv, ndërsa Prishtina edhe pas 10 vitesh nuk është e gatshme të themelojë Bashkësinë e Komunave Serbe dhe dëshiron të vazhdojë me spastrimin gradual etnik të serbëve, mbi të gjitha në veri të Kosovës, ka bërë të ditur sot presidenti serb Aleksandar Vuçiq në një intervistë për CNN.

Vuçiq, në një intervistë me gazetaren e njohur Kristiana Amanpour, theksoi se Serbia i vlerëson raportet që vijnë nga Shtëpia e Bardhë, Departamenti i Shtetit dhe institucione të tjera amerikane, por këtë herë nuk ishin të sakta, dhe sa i përket kërkesës së SHBA-së që Serbia të tërheqë ushtrinë e saj nga vija administrative me Kosovën, ai tha se nuk ka arsye për shqetësim më të madh, sepse Serbia nuk ka nevojë për luftë me NATO, përkundrazi - Serbia dëshiron të shohë një prani më të madhe të KFOR-i në veri të Kosovës.

Ai kujtoi se në vitin 2002, Serbia nënshkroi një marrëveshje me NATO që lejon hyrjen në zonën e sigurisë, dhe se është rënë dakord që mund të përdoret lirisht, pa kufizime dhe në lidhje me pajisjet.

“Një vit më parë kishim 14 mijë persona në linjën administrative, pak ditë më parë më pak se 8400 dhe sot 4400 është numri i rregullt”, shpjegoi ai.

Ai tha se Serbia gjithmonë dëgjon kur partnerët i thonë të deeskalojë.

“Nuk ka arsye për shqetësim më të madh, nuk kemi nevojë për luftë me NATO, por përkundrazi duam një prani më të madhe të KFOR-it, veçanërisht në veri të Kosovës. Kjo do të ishte një nga mënyrat për të ndihmuar sigurinë e Serbët, veçanërisht në veri”, theksoi Vuçiq.

Pas deklaratës se Millan Radoiçiq pranoi se kishte marrë pjesë në të shtënat e 24 shtatorit, dhe u pyet nëse disa orë pas kësaj, ai gjoja solli mijëra ushtarë në terren, për të larguar vëmendjen prej saj, Vuçiq është përgjigjur se nuk bëhet fjalë për këtë dhe se nuk ka pasur ngritje të nivelit të alarmit në ushtrinë serbe.

"Ushtria jonë po monitoron situatën në terren dhe ka lëvizur forcat e saj në mënyrën që ata besojnë se mund të jenë më të dobishme. Por unë nuk kam nënshkruar një nivel më të lartë gatishmërie për ushtrinë tonë. Numri i personelit nuk ishte më i madh, as 60 për qind që ekziston në vijën administrative”, tha Vuçiq.

Ai theksoi se Serbia ishte vendi i fundit që kishte nevojë për incidente në Kosovë, për shkak të dinamikës së procesit negociator.

“Të gjithë e shihnin se Serbia ishte një partner konstruktiv, bën lëshime, dhe pala tjetër nuk bëri asgjë. Ata bënë spastrim etnik. Që kur Albin Kurti ka qenë në pushtet, në Kosovë ka 10 për qind më pak serbë. Gjatë asaj periudhe kemi pasur 420 sulme mbi civilët serbë, mbi popullin”, tha Vuçiq.

Lidhur me vërejtjen se SHBA dhe BE thonë se ushtria duhet të tërhiqet, dhe autorët të sillen para drejtësisë, dhe pyetjes nëse për këtë do të mbajë përgjegjësi Radojiçic, i cili "e ka pranuar se është fajtor", Vuçiq tha se Serbia sigurisht do të mbajë përgjegjës të gjithë ata që kanë kryer vepra kriminale në territorin e saj.

"Ai është në dispozicion, është në territorin tonë dhe prokuroria do të bëjë punën e saj. Kjo është e rëndësishme", shtoi presidenti i Serbisë.

Megjithatë,vuri në dukje, se rrënja e problemit është diçka tjetër, por askush nuk dëshiron ta dëgjojë atë.

“Problemi është se serbët donin të mbroheshin, unë nuk do ta mbroj vrasjen e një polici shqiptar, e dënoj, por them se serbët janë arrestuar, pa akuza, janë dëbuar nga shtëpitë e tyre, të cilat janë kontrolluar... asnjë nga këto nuk është në përputhje me marrëveshjen e Brukselit dhe të drejtën ndërkombëtare. BKS nuk u formua as pas 10 vjetësh, sepse regjimi shqiptar në Prishtinë nuk e donte. Njerëzit donin të mbroheshin”, ka theksuar Vuçiq.

Pyetjes provokuese “a i dhemb ende dora”, duke qenë se “u largua nga bisedimet e fundit pa firmosur planin, pasi tha se ndjente dhimbje në dorën e djathtë”, Vuçiq i tha Amanpour, duke thënë me ironi se ai "e vlerëson objektivitetin e saj dhe në asnjë mënyrë qëndrimin e njëanshëm", tha se ajo padyshim nuk i ka ndjekur ngjarjet e fundit.

“Bashkimi Evropian ka thënë se Serbia është një partner konstruktiv, edhe Borel dhe Lajçak kanë thënë se Serbia është plotësisht konstruktive...”, tha Vuçiq, dhe për këmbënguljen se nuk e ka nënshkruar marrëveshjen, ai ia ktheu se ka bërë gjithmonë gjithçka që u ka thënë partnerëve të tij nga BE dhe SHBA.

“Ekziston edhe Kushtetuta e Serbisë, duhet ta respektoj. Nuk kam fshehur asgjë në raportin e tyre, ua kam thënë gjithçka në sy dhe gjithmonë kam thënë të vërtetën. Ne kemi dashur të zbatojmë gjithçka që është marrë vesh, por Prishtina nuk e ka dashur këtë”, ka theksuar presidenti serb.

Vuçiq po ashtu theksoi se kishte sinjale shumë të qarta nga BE se gjithçka ishte një gabim nga ana e Prishtinës, duke theksuar se “papritmas kemi incidente, se Serbia fajësohet për gjithçka”.

Presidenti tha se Serbia ka qenë dhe do të jetë gjithmonë e gatshme për negociata, se është konstruktive në dialog dhe kështu do të mbetet.

“Duhet ta kuptoni, dhe këtë e ka konfirmuar edhe BE, se Prishtina nuk është e gatshme të themelojë BKS, që është pengesa më e madhe. Ata duan të vazhdojnë me spastrimin gradual etnik të serbëve, në radhë të parë në veri të Kosovës”, nënvizoi ai.

Vuçiq tha se Serbia është gjithmonë në dispozicion të miqve nga bashkësia ndërkombëtare.

"Ne jemi të gatshëm të diskutojmë të gjitha çështjet. Unë u thashë që të formojnë BKS dhe ne do të përmbushim gjithçka që kemi premtuar. Paqja është në interesin më të mirë të Serbisë dhe të gjithë rajonit. Mund të mburremi se kemi 63 për qind të totalit të investimeve të huaja direkte. Ne kemi nevojë për atë. Kemi shumë për të humbur. Kjo është arsyeja pse ne jemi të përkushtuar për negociata”, shpjegoi ai.

Sa i përket BeH-së, Vuçiq ka nënvizuar se ka qenë gjithmonë përgjegjës dhe serioz kur bëhet fjalë për Bosnjën dhe se gjithmonë ka mbështetur integritetin e saj territorial.

Për deklaratën e Amanpour se "është mirë të dëgjosh se ai heq dorë nga Millorad Dodik", Vuçiq tha se nuk duhet t'ia kthejë shpinën dhe shtoi se ai e mbështet Marrëveshjen e Dejtonit dhe integritetin territorial të Bosnjë-Hercegovinës dhe se kurrë nuk e ka vënë në dyshim atë.

I pyetur se cili është përfitimi kur sportisti i njohur Novak Gjokoviq shkruan në kamera "Kosova është zemra e Serbisë, ndaloni dhunën" dhe nëse e mbështet një retorikë të tillë, Vuçiq u përgjigj se ai besonte se Novak po fliste nga zemra dhe se 99 për qind e njerëzve në Serbi mendojnë kështu.

“Ne politikanët duhet të jemi pragmatikë dhe racionalë, duhet të gjejmë zgjidhje përmes negociatave me qasje konstruktive, për të parë se si do t'i përballojmë të gjitha problemet, sepse duhet të sigurohemi që shqiptarët dhe serbët të mos vuajnë më, si të kapërcejmë vështirësitë dhe të krijojmë një të ardhme më të mirë me kufij të hapur apo linja administrative, në mënyrë që popujt të afrohen më shumë”, përfundoi Vuçiq.