Shubariq: Shpresoj që vitin e ardhshëm përkujtimi do të mbahet në Gazimestan

Kryetarja e Komunës së Graçanicës, Lilana Shubariq, ka shprehur shpresën se gjendja e sigurisë vitin e ardhshëm do të jetë më e mirë dhe se ceremonia përkujtimore për heronjtë e Kosovës do të mund të mbahet para monumentit të heronjve të Kosovës në Gazimestan.

Gjatë vendosjes së kurorës në Gazimestan, Shubariq deklaroi se edhe pse mori pjesë në ceremoninë përkujtimore të mbajtur nga Patriarku Porfirije në portën e manastirit të Graçanicës, ajo ndjeu nevojën të vendoste një kurorë lulesh në monumentin e heronjve të Kosovës dhe të lutej për të gjitha viktimat dhe unifikimin.

“Me gjithë sfidat me të cilat ballafaqohet populli serb në Kosovë dhe Metohi, sot pas liturgjisë dhe përkujtimit në portën e manastirit të Graçanicës, erdhëm në Gazimestan për të vendosur kurorë lulesh për viktimat tona të Kosovës dhe Metohisë, për të gjithë viktimat që dhanë jetën për lirinë e popullit tonë, për të gjitha viktimat e pafajshme dhe kemi ardhur të lutemi që Zoti të na lejojë të bashkohemi dhe ta presim Vidovdanin vitin e ardhshëm në Gazimestan si vitet e kaluara. Shpresoj që situata vitin e ardhshëm do të jetë shumë më e mirë se tani”, ka theksuar Shubariq.